Buachaille Etive Mòr

Mae Buachaille Etive Mòr (1021m) yn fynydd Munro ger Glen Coe yn ardal Lorne yng ngorllewin canolbarth Ucheldiroedd yr Alban. Ystyr yr enw Gaeleg yw "Bugail Mawr Etive".

Buachaille Etive Mòr
Mathmynydd Edit this on Wikidata
Daearyddiaeth
SirCyngor yr Ucheldir Edit this on Wikidata
GwladBaner Yr Alban Yr Alban
Uwch y môr1,021 metr Edit this on Wikidata
Cyfesurynnau56.6473°N 4.8978°W Edit this on Wikidata
Manylion
Amlygrwydd533 metr Edit this on Wikidata
Rhiant gopaBidean nam Bian Edit this on Wikidata
Cadwyn fynyddMynyddoedd y Grampians Edit this on Wikidata
Map
Buachaille Etive Mòr o Glen Etive

Mae gan y mynydd ddau brif gopa, sef Stob Dearg (1021m) "Y Copa Coch", a chopa cribog Sgor na Bròige (956m). Gyferbyn mae Buachaille Etive Beag a'i gopaon Stob Dubh (958m) "Y Copa Du" a Stob Coire Raineach (925m) "Copa Cwm Raineach". Rhyngddynt maent yn ffurfio pedol serth a chreigiog sy'n un o'r golygfeydd mwyaf trawiadol yn yr Ucheldiroedd. Mae bwlch uchel Lairig Gartain yn gwahanu dau ben y bedol gyda Buachaille Etive Mòr i'r de a Buachaille Etive Beag i'r gogledd. Yng nghanol y bedol mae'r "Cwm Coll" (The Lost Valley) enwog.

Mae'r mynydd yn codi i'r gorllewin o'r briffordd A82 rhwng Tyndrum a Ballachullish sy'n rhedeg trwy Glen Coe. Dros y glen i'r gogledd mae mynyddoedd is ond eithaf crieigiog yn cuddio Cronfa Blackwater. I'r de o'r mynydd mae cwm hardd Glen Etive yn arwain i lawr i Loch Etive a'r môr â mynyddoedd uchel ar bob ochr iddo.

Y ffordd hawsaf i ddringo Buachaille Etive Mòr yw o'r A82 trwy'r Cwm Coll.

Am fap sy'n dangos lleoliad Buachaille Etive Mòr, gweler Rhestr Mynyddoedd yr Alban dros 3,000' (y Munros) (Adran 3).