Castell Powys
Saif Castell Powys neu weithiau Castell Coch, sy'n gastell canoloesol, ger tref y Trallwng, ym Mhowys. Mae'n dyddio'n ôl i tua 1266 pan newidiodd Owain ap Gruffudd ap Gwenwynwyn (hefyd Owen de la Pole; (c. 1257 – c. 1293)), yr olaf o Dywysogion Powys ei deyrngarwch i frenin Lloegr.
 Castell Powys o'r de, gyda'i gerddi enwog. | |
| Math | castell  |
|---|---|
| Daearyddiaeth | |
| Rhan o'r canlynol | Ystâd Castell Powys |
| Lleoliad | Y Trallwng |
| Sir | Powys |
| Gwlad |  Cymru |
| Uwch y môr | 139.1 metr |
| Cyfesurynnau | 52.65°N 3.1606°W |
| Rheolir gan | yr Ymddiriedolaeth Genedlaethol |
 | |
| Perchnogaeth | yr Ymddiriedolaeth Genedlaethol |
| Statws treftadaeth | adeilad rhestredig Gradd I |
| Manylion | |
Mae'n gastell i Iarll Powys a bellach ym meddiant yr Ymddiriedolaeth Genedlaethol. Caiff y gerddi Baróc eu cydnabod fel rhai o'r enghreifftiau gorau yng ngwledydd Prydain o fath Baróc. Maent yn cynnwys gerddi ffurfiol, parc ceirw, llawer o goed afal a thwnel o goed grawnwin.
Dywedir i'r Dywysoges Victoria ymweld â Chastell Powys gyda'i mam ym 1832.
Rhai o'r prif atyniadau golygu
Amgueddfa Syr Clive golygu
Mae'r amgueddfa hon yn cynnwys llawer iawn o arteffactau diddorol o India. Casglodd Edward Clive (a newidiodd ei enw'n ddiwedarach i "Herbert") yn y 18g, lawer o luniau enwog, dodrefn drudfawr o Ffrainc a Lloegr a llawer iawn o ddodrefn a cherfluniau o'r Eidal.[1] Mae'r casgliad hwn hefyd yn cynnwys tecstiliau, arfau, arteffactau efydd, darnau arian a sguthrod eliffantod. Agorwyd y rhan hon o'r castell yn 1987.[2]
Y gath Rufeinig golygu
Yn y prif goridor, ceir cerflun dwy fil o flynyddoedd oed o gath a neidr. Mae'n dyddio'n ôl i'r ganrif gyntaf neu'r ail O.C. Mae cerfluniau Rhufeinig o gathod yn hynod brin. Credir mai dyma'r unig esiampl o'i fath drwy'r byd, sydd wedi goroesi. Ceir dau gerflun arall o gathod: y naill o Pompeii a'r llall yn Amgueddfa'r Fatican, ond mae'r ddau yma'n wahanol gan eu bont yn darlunio cath yn ymosod ar dderyn.
Credir i Clive brynu'r darn marmor hwn yn anrheg i'w wraig pan ymwelodd â'r Eidal yn 1774. Mwyngloddiwyd y darn marmor o Ynys Thasos a cheir ynddo lawer o grisialau mawr, a oedd yn gwneud y gwaith o'i greu'n llawer anoddach.
Oriel golygu
Gweler hefyd golygu
Cyfeiriadau golygu
- ↑ http://www.bbc.co.uk/wales/mid/sites/history/pages/cliveofindia.shtml Archifwyd 2009-10-20 yn y Peiriant Wayback. Casgliad Clive o India
- ↑ http://www.nytimes.com/1987/08/30/arts/architecture-view-a-cabinet-of-curiosities-becomes-a-museum.html?pagewanted=1 ARCHITECTURE VIEW; A Cabinet of Curiosities Becomes a Museum, New York Times, 30 Awst 1987