Darren Star

Mae Darren Bennett Star (ganed 1961) yn gyfarwyddwr ffilmiau / rhaglenni teledu a sgriptiwr Iddewig-Americanaidd.

Darren Star
Ganwyd	25 Gorffennaf 1961  Potomac
Man preswyl	Bel Air
Dinasyddiaeth	Unol Daleithiau America
Alma mater	Prifysgol Califfornia, Los Angeles Winston Churchill High School
Galwedigaeth	sgriptiwr, cyfarwyddwr ffilm, cynhyrchydd ffilm, showrunner, cynhyrchydd teledu

Gyrfa

Mae Star yn fwyaf adnabyddus am greu'r gyfres deledu hynod lwyddiannus Beverly Hills 90210, Melrose Place (a gynhyrchodd ar y cyd gydag Aaron Spelling) a Sex and the City a oedd yn seiliedig ar y nofel o'r un enw gan Candace Bushell. Yn ogystal â chreu'r cyfresi hyn, ysgrifennodd nifer o'r sgriptiau a chyfarwyddodd rhai o'r rhaglenni.

Mynychodd Star Prifysgol California yn Los Angeles, lle graddiodd mewn ysgrifennu creadigol. Pan oedd yn 24 oed, gwerthodd ei sgript gyntaf Doin' Time on Planet Earth. Ar y pryd, trigai mewn cymuned o fflatiau yng Ngorllewin Hollywood a ddaeth yn fodel ar gyfer Melrose Place yn ddiweddarach.

Mae gweithiau eraill Star yn cynnwys Central Park West (1995) ar gyfer CBS; The WB's Grosse Pointe (2000), a ddisgrfiodd Star ei hun fel fersiwn ddychanol o Beverly Hills, 90210; The $treet (2000) ar gyfer FOX; Miss Match (2003) ar gyfer NBC; Kitchen Confidential (2005); The CW's Runaway (2006); a Cashmere Mafia ar gyfer ABC, a ddechreuodd yn 2008. Star oedd uwch-gynhyrchydd Sex and the City: The Movie, a ryddhawyd yn 2008.

Ei Fywyd Personol

Magwyd Star yn Potomac, Maryland, a mynychodd Ysgol Uwchradd Winston Churchill. Arferai ei dad fod yn orthodontydd cyn iddo ymddeol.

Bellach mae Star yn byw yn Ninas Efrog Newydd a Los Angeles. Mae'n agored fel dyn hoyw

Dolenni Allanol

• Archif o'r erthyglau papur newydd Sex and the City gwreiddiol Archifwyd 2008-01-29 yn y Peiriant Wayback.

Eginyn erthygl sydd uchod am Americanwr neu Americanes. Gallwch helpu Wicipedia drwy ychwanegu ato.