Imogen Thomas
Model a cyflwynydd teledu Cymreig ydy Imogen Mary Thomas (ganed 29 Tachwedd 1982). Daeth yn enwog yn 2003, ar ôl iddi ddwyn y teitl Miss Cymru. Cynyddodd ei henwogrwydd yn 2006 pan ymddangosodd yn y gyfres deledu realiti Big Brother.
| Imogen Thomas | |
|---|---|
 | |
| Ganwyd | 29 Tachwedd 1982, 27 Tachwedd 1982  Gorseinon |
| Man preswyl | Llundain |
| Dinasyddiaeth | y Deyrnas Unedig |
| Alma mater |
|
| Galwedigaeth | model |
| Gwefan | http://www.imogenthomasofficial.com/ |
| Gwlad chwaraeon | Cymru |
Ei bywyd cynnar golygu
Fe'i ganwyd i Charles Thomas, swyddog lles addysgol, a'i wraig Janette yn Ngorseinon, ger Abertawe. Gwahanodd y ddau pan oedd Imogen yn ddwy oed, ac ail-briododd ei mam pan oedd yn chwech. Fe'i magwyd gan ei mam a'i llysdad yn Llanelli.
Gwaith teledu golygu
Fel nifer o'r cystadleuwyr eraill, cymerodd Imogen ran mewn nifer o raglenni teledu a oedd yn gysylltiedig i Big Brother, gan gynnwys BBLB a Big Brother's Big Mouth. Roedd hefyd wedi cyd-gyflwyno T4.
Am ei bod yn siarad Cymraeg, mae hefyd wedi ymddangos ar nifer o raglenni S4C, gan gynnwys Uned 5, Wedi 3, Wedi 7, Jonathan Show a Bwrw Bar. Roedd ganddi ei sioe ei hun gyda Glyn o'r rhaglen Big Brother hefyd o'r enw Glyn and Imogen: A Year On. Cafodd rôl cameo hefyd yn yr opera sebon Cymreig Pobol y Cwm.
Ei bywyd personol golygu
Cafodd Thomas berthynas gyda'r model Americanaidd Tyson Beckford, a gyfarfyddodd am y tro cyntaf yn y Sanderson Hotel.[1] Ers ymddangos ar Big Brother mae hefyd wedi canlyn Russell Brand,[2] chwaraewr polo Jamie Morrisson,[3] a'r pêldroedwyr Matthew Collins o Ddinas Abertawe, a Jermain Defoe o Tottenham Hotspur.[4]
Ym mis Ebrill 2011, cyhoeddodd papur newydd The Sun fod Imogen wedi bod yn cael perthynas gyda phêldroediwr di-enw priod o Uwchgynghrair Lloegr.[5] Dyfarnwyd uwch-waharddeb, a alwyd CTB v News Group Newspapers [6], yn Uchel Lys Cyfiawnder Cymru a Lloegr gan Mr Ustus Eady, a rwystrai'r pêldroediwr rhag cael ei enwi yng nghyfryngau'r DU[7]. O ganlyniad, trodd Imogen at y swyddog cysylltiadau cyhoeddus Max Clifford, a ddywedodd “Imogen never had any desire nor intention to sell her story, however if she had and was able to name the footballer she could easily command £250,000".[8][9] Fodd bynnag, yn Nhŷ'r Cyffredin ar 23 Mai datgelodd yr Aelod Seneddol John Hemming mai Ryan Giggs oedd y pêldroediwr gan ddefnyddio braint seneddol.[10]
Cyfeiriadau golygu
- ↑ Cyfweliad Maxim. Maxim.
- ↑ Sleazy, sad and self-obsessed: Russell Brand, a hero for our times. The Daily Mail.
- ↑ Yes! Rick breaks his wedding ban. The Daily Mail.
- ↑ Imogen Thomas splits from footballer Jermain Defoe... because she likes to stay in. The Daily Mail.
- ↑ O'Shea (14 Ebrill 2011). Footie star’s affair with Big Brother’s Imogen Thomas. The Sun.
- ↑ CTB v News Group Newspapers Ltd & Anor (2011) EWHC 1232 (QB), 14 a 20 Ebrill 2011 adalwyd ar 16 Mai 2011
- ↑ Myall (21 Ebrill 2011). Premier League star who cheated with Imogen Thomas told his secret his safe as court tightens injunction. Daily Mirror.
- ↑ Imogen Thomas shows strain as scandal over Premier League star's super-injunction rumbles on. Daily Mail (20 Ebrill 2011).
- ↑ Byrne (16 Ebrill 2011). Imogen Thomas tells of her devastation at being exposed as married soccer star's mistress. Daily Mirror.
- ↑ Ryan Giggs named as footballer at the centre of privacy row Guardian.co.uk 23 Mai 2011. Adalwyd ar 23 Mai 2011