Monas Hieroglyphica
Symbol esoterig wedi'i lunio gan y Cymro John Dee, astrolegydd, mathemategwr, ac athro i Elisabeth I o Loegr, yw'r Monas Hieroglyphica (neu Hieroglyphic Monad). Dyma hefyd deitl ei lyfr a gyhoeddodd ar 14 Chwefror 1564 lle mae'n ymhelaethu ar arwyddocad y symbol.
Yn debyg i Waldo Williams (a'i syniad o 'deulu dyn', ganrifoedd yn ddiweddarach) fe wêl Dee y Cosmos yn un yn y symbol astrolegol hwn.
Mae'r glyph yn cynrychioli (o'r brig i'r gwaelod): y lloer, yr haul, yr elfennau a thân. Ond, er iddo nodi rhai o gyfrinachau'r llyfr, ni chafwyd eglurhad ysgrifenedig lawn, a saif llawer o'i gynnwys yn ddirgelwch llwyr. Mae'r llyfr yn tanlinellu cyswllt Dee gyda'r mudiad cwlt Ewropeaidd Rosicrucianism. Rhoddai'r mudiad hwn drefn esoterig i'r byd a hawliai fod gwreiddiau'r trefn hwn yn rhan o gyfrinachau'r gorffennol. Taflai oleuni ar natur a natur ffisegol y bydysawd.
Cyfeiriadau golygu
Llyfryddiaeth golygu
- The Hieroglyphic Monad gan John Dee. Weiser Books 1975. ISBN 1-57863-203-X
- Monas Hieroglyphica Dr Dee. Kessinger Publishing Co 2003. ISBN 0-7661-4744-4
Dolenni allanol golygu
- (Saesneg) Testun y llyfr
- (Ffrangeg) Testun y llyfr yn y Ffrangeg
.jpg){kind=small}