Petula Clark

Cantores, actores a chyfansoddwraig Seisnig yw Petula Clark CBE (ganed Sally Olwen Clark, 15 Tachwedd 1932), sydd wedi bod yn perfformio ers y 1940au.

Petula Clark
Ffugenw	Petula Clark
Ganwyd	Sally Clark  15 Tachwedd 1932  Ewell
Label recordio	Warner Bros. Records, Columbia Records, Decca Records, EMI, Polygon
Dinasyddiaeth	y Deyrnas Unedig
Galwedigaeth	actor plentyn, canwr, cyfansoddwr, actor llwyfan, actor ffilm, artist recordio
Adnabyddus am	Downtown
Arddull	cerddoriaeth boblogaidd
Tad	Leslie Clark
Gwobr/au	CBE, Commandeur des Arts et des Lettres‎
Gwefan	http://www.petulaclark.net/
Chwaraeon

Bywyd cynnar

Ganwyd Clark i Doris (née Phillips) a Leslie Noah Clark yn Ewell, Surrey. Roedd ei rhieni yn nyrsys yn Ysbyty Long Grove. Roedd mam Clark o dras Cymreig a'i thad yn Sais. Dyfeisiwyd yr enw llwyfan "Petula" gan ei thad, gan jocio ei fod yn gyfuniad o ddau cyn gariad iddo, Pet ac Ulla.

Yn ystod yr Ail Rhyfel Byd symudodd Clark i fyw gyda'i chwaer yn nhŷ eu mamgu a dadcu yn Abercannaid, ger Merthyr Tydfil,^{[angen ffynhonnell]}, tŷ bychan o gerrig heb drydan na cyflenwad dŵr, gyda tŷ bach ar waelod yr ardd. Roedd ei thadcu yn löwr. Ei perfformiad cyntaf o flaen cynulleidfa fyw oedd yn y Colliers Arms yn Abercannaid. Roedd hefyd yn cofio byw tu allan i Lundain yn ystod y Blitz gan wylio yr ysgarmes awyr a rhedeg i loches rhag bomio, gyda'i chwaer.

Gyrfa

Yn ddiweddarach, pan yn 8 mlwydd oed, ymunodd a phlant eraill i recordio negeseuon i'r BBC ei ddarlledu i aelodau o'r teulu yn y lluoedd argfog. Recordiwyd y digwyddiad yn Theatr y Criterion, theatr tanddaearol oedd yn ddiogel. Pan ganodd seiren cyrch awyr, roedd rhai o'r plant wedi ofni a daeth galwad am rywun i ddod ymlaen i ganu iddynt i'w tawelu. Gwirfoddolodd Petula, a roedd y bobl yn yr stafell rheoli yn hoffi ei llais cymaint, fe'i recordiwyd hi yn canu. Ei chan oedd "Mighty Rose".

Yn ystod y 1960au, daeth yn adnabyddus am ei chaneuon bywiog gan gynnwys "Downtown," "I Know a Place," "My Love," "Colour My World," "A Sign of the Times," a "Don't Sleep in the Subway". Gwerthodd dros 70 miliwn o recordiau'n fyd-eang, gan ei gwneud y gantores Brydeinig unigol mwyaf llwyddiannus erioed a chyfeirir ati yn y "Guinness Book of World Records".

Mae gan Clark y statws hefyd o'r gyrfa bop rhyngwladol mwyaf hirhoedlog allan o bob cantores benywaidd o Brydain - 55 mlynedd, o 1954 pan aeth "The Little Shoemaker" i 20 Uchaf y DU, i 2009 pan aeth ei CD "Les Indispensables" i 10 Uchaf y siart yng Ngwlad Belg.

Ffilmyddiaeth

• Medal for the General (1944)
• Strawberry Roan (1945)
• Murder in Reverse (1945)
• I Know Where I'm Going! (1945)
• Trouble at Townsend (1946)
• London Town (1946)
• Vice Versa (1948)
• Easy Money (1948)
• Here Come the Huggetts (1948)
• Vote for Huggett (1949)
• The Huggetts Abroad (1949)
• Don't Ever Leave Me (1949)
• The Romantic Age (1949)
• Dance Hall (1950)
• White Corridors (1951)
• Madame Louise (1951)
• The Card (1952)
• Made in Heaven (1952)
• The Runaway Bus (1954)
• The Gay Dog (1954)
• The Happiness of Three Women (1954)
• Track the Man Down (1955)
• That Woman Opposite (1957)
• 6.5 Special (1958)
• À Couteaux Tirés (1964) (cyfansoddodd y sgôr hefyd) (aka "Daggers Drawn" yn yr Unol Daleithiau)
• Finian's Rainbow (1968)
• Goodbye, Mr. Chips (1969)
• Drôles de Zèbres (1977)
• Never, Never Land (1980)
• Sans Famille (teledu Ffrengig 1981)

Dolenni allanol

• Gwefan swyddogol
• Gwefan y DU
• Cyfweliad gyda'r BBC
• Cyfweliad Jac yt Undeb Archifwyd 2006-11-26 yn y Peiriant Wayback.
• Cyfweliad BBC Radio Wales, Ionawr 2007 Archifwyd 2007-09-05 yn y Peiriant Wayback.
• Cyfweliad Las Vegas Sun, Chwefror 2007 Archifwyd 2007-09-30 yn y Peiriant Wayback.
• Cyfweliad BBC Radio Wales, Awst 2008
• Cloriau disgograffiaeth Archifwyd 2009-10-27 yn y Peiriant Wayback.