Sydney Pollack
Roedd Sydney Irwin Pollack (1 Gorffennaf 1934 – 26 Mai 2008) yn gyfarwyddwr, cynhyrchydd ac actor ffilmiau Americanaidd. Cafodd ei eni yn Lafayette, Indiana i fewnfudwyr Rwsiaidd-Iddewig. Astudiodd gyda Sanford Meisner yn y Neighborhood Playhouse yn Ninas Efrog Newydd, lle dysgodd actio yn ddiweddarach. Dechreuodd gyfarwyddo rhaglenni teledu yn ystod y 1960au cyn iddo symud ymlaen i gyfarwyddo ffilmiau.
| Sydney Pollack | |
|---|---|
 | |
| Ganwyd | Sydney Irwin Pollack  1 Gorffennaf 1934 Lafayette, Indiana |
| Bu farw | 26 Mai 2008 Pacific Palisades, Los Angeles |
| Dinasyddiaeth | Unol Daleithiau America |
| Alma mater |
|
| Galwedigaeth | cynhyrchydd ffilm, actor, actor teledu, actor ffilm, cyfarwyddwr teledu, cyfarwyddwr ffilm, hedfanwr, actor cymeriad, cyfarwyddwr |
| Swydd | Llywydd y Rheithgor yng Ngŵyl Cannes |
| Plant | Rachel Pollack |
| Gwobr/au | Gwobr Golden Globe am y Ffilm Orau - Drama, Gwobr yr Academi i'r Cyfarwyddwr Gorau, Gwobr yr Academi am Ffilm Orau, Berlinale Camera, Gwobr y Bwrdd Adolygu Cenedlaethol am y Ffilm Orau, Gwobr Primetime Emmy am Gyfarwyddo Cyfres Ddrama |
Cyfarwyddodd Pollack dros 21 o ffilmiau a 10 rhaglen deledu ac actiodd mewn dros 30 ffilm neu sioe. Cynhyrchodd dros 44 ffilm. Mae rhai o'i weithiau mwyaf adnabyddus yn cynnwys Jeremiah Johnson (1972), The Way We Were (1973), Three Days of the Condor (1975) a Absence of Malice (1981). Enillodd ei ffilm Out of Africa (1985) Wobr yr Academi iddo am ei waith cyfarwyddo a chynhyrchu. Fe'i enwebwyd am Oscar hefyd am y Cyfarwyddwr Gorau yn They Shoot Horses, Don't They? a Tootsie. Roedd ei ffilmiau mwyaf diweddar yn cynnwys Havana (1990), The Firm (1993), Sabrina (1995) a The Interpreter (2005).
