Anita Loos

Awdur, dramodydd a sgriptwraig ffilm o'r Unol Daleithiau oedd Anita Loos (26 Ebrill 1889 – 18 Awst 1981). Mae hi'n fwyaf adnabyddus fel awdur y nofel lwyddiannus Gentlemen Prefer Blondes (1925), a addasodd hefyd fel drama lwyfan a sgript ffilm.

Anita Loos
Ganwyd	26 Ebrill 1889, 26 Ebrill 1888  Mount Shasta
Bu farw	18 Awst 1981  o trawiad ar y galon  Dinas Efrog Newydd
Dinasyddiaeth	Unol Daleithiau America
Alma mater	San Diego High School
Galwedigaeth	llenor, sgriptiwr, nofelydd, hunangofiannydd, actor ffilm, bywgraffydd
Adnabyddus am	Gentlemen Prefer Blondes
Arddull	comedi
Tad	R. Beers Loos
Priod	Unknown, John Emerson

Ei bywyd

Fe'i ganed yng Nghaliffornia i rieni a oedd yn berchen ar bapur newydd, a throdd yn gyflym at ysgrifennu fel bywoliaeth - newyddiaduraeth, dramâu un act, a sgriptiau ar gyfer ffilmiau tawel. Yn awdur ffraeth, ym 1912 cafodd gontract gyda'r cwmni cynhyrchu ffilm Biograph Company. Am gyfnod bu'n gweithio fel sgriptwraig o dan gyfarwyddyd D. W. Griffith. Yn ddiweddarach, ynghyd â’i gŵr John Emerson, ysgrifennodd gyfres o ffilmiau llwyddiannus a helpodd yr actor Douglas Fairbanks i ddod yn seren.

O'r 1920au bu’n gweithio yn Efrog Newydd a Chaliffornia, yn ysgrifennu ar gyfer y sinema a’r llwyfan. Roedd ei nofel Gentlemen Prefer Blondes yn llwyddiant mawr, gyda'i llun doniol o fateroliaeth y Dauddegau Gwyllt. Roedd ei pherthynas gyda'i gŵr, merchetwr rhonc, yn anodd, ac o ddechrau'r 1930au roeddent yn byw ar wahân. Tua diwedd ei hoes trodd fwyfwy at ysgrifennu cofiannau.

Gweithiau

Ffuglen

• Gentlemen Prefer Blondes (1925)
• But Gentlemen Marry Brunettes (1927)
• A Mouse is Born (1951)
• No Mother to Guide Her
• Fate Keeps on Happening (1984)

Llyfrau ffeithiol

• A Girl Like I (hunangofiant) (1966)
• Kiss Hollywood Goodbye (hunangofiant) (1974)

Dramâu

• Gentlemen Prefer Blondes (1926, 1949)
• Gigi (1951)
• Chéri (1959)