Taliesin: Gwahaniaeth rhwng fersiynau

Roedd '''Taliesin''' yn un o'r [[Bardd|beirdd]] cynharaf yn yr iaith [[Gymraeg]], a'r bardd Cymraeg cynharaf y ceir ei destunau ar glawr heddiw. Roedd Taliesin yn fardd llys i ddau o frenhinoedd y [[Brythoniaid]]: [[Cynan Garwyn]] o [[Teyrnas Powys|Bowys]] ac [[Urien Rheged]] yn yr [[Hen Ogledd]]. Bu fyw yn y [[6ed ganrif]], a chrybwyllir yn y llyfr [[Historia Brittonum]] gan [[Nennius]] ynghyd ag [[Aneirin]], Cian, [[Blwchfardd]] a [[Talhaearn Tad Awen|Thalhaearn]]. Mae rhai o gerddi Taliesin wedi goroesi yn [[Llyfr Taliesin]], ynghyd a cherddi eraill sydd yn ddiweddarach ond a dadogir arno. Cofnododd [[Elis Gruffydd]] fersiwn o'r [[chwedl]] ''[[Hanes Taliesin]]'' yn y [[16eg ganrif]], a'r hanes yma a fersiynau diweddarach ohono sydd yn sylfaen i ddelw Taliesin yn y diwylliant a dychymyg poblogaidd hyd heddiw. Yn y [[Traddodiad Barddol]] Cymreig roedd Taliesin yn cael ei ystyried fel Tad y Traddodiad.