Vespasian: Gwahaniaeth rhwng fersiynau

'''Caesar Vespasianus Augustus''' neu '''Vespasian''' ([[17 Tachwedd]] [[9|9 OC]] – [[23 Mehefin]] [[79|79 OC]]) oedd nawfed [[Ymerodron Rhufeinig|Ymerawdwr Rhufain]]. Ef oedd pedwerydd ymerawdwr [[Blwyddyn y Pedwar Ymerawdwr]] (69 OC), a'r unig un o blith y pedwar i fedru cadw ei afael ar yr orsedd. Teyrnasodd hyd ei farwolaeth ar 23 Mehefin 79.

Ganwyd '''Titus Flavius Vespasianus''' (<small>TITVS•FLAVIVS•VESPASIANVS)</small> yn [[Falacrina]] ar 17 Tachwedd [[9]] OC, yn aelod o deulu oedd yn wweddolweddol gefnog ond ymhell o fod yn amlwg. Ef oedd yr ymerawdwr cyntaf nad oedd yn dod o deulu aristocrataidd. Gwasanaethodd Vespasian fel tribiwn milwrol yn [[Thrace]] pan oedd [[Tiberius]] yn ymerawdwr, a bu'n [[Praetor]] yn y flwyddyn 40 yn ystod teyrnasiad [[Caligula]]. Yn y blynyddoedd 43 a 44, pan oresgynnwyd [[Prydain]] yn nheyrnasiad [[Claudius]], yr oedd Vespasian yn legad y lleng [[Legio II Augusta]]. Yn ddiweddarach gwnaed ef yn [[Conswl Rhufeinig|Gonswl]] ac wedyn yn Broconswl talaith [[Africa (talaith Rufeinig)|Affrica]].