Afon Conwy: Gwahaniaeth rhwng fersiynau

[[Afon]] yng ngogledd [[Cymru]] yw '''Afon Conwy'''. Enwir [[Conwy (sir)|Bwrdeistref Sirol Conwy]] ar ei hôl am ei bod yn llifo trwy ganol y sir. Mae tref [[Conwy (tref)|Conwy]] yn dwyn ei henw hefyd, er mai [[Aberconwy]] oedd ei henw gwreiddiol.

 

==Cwrs yr afon==

[[Delwedd:Llyn Conwy.jpg|bawd|Llyn Conwy]]

Mae'n tarddu tua 1,550 troedfedd uwch lefel y môr yn [[Llyn Conwy]], sydd bellach yn gronfa dŵr, ar [[Y Migneint]]. Filltir i'r de o'r llyn mae'n rhedeg dan y B4407 ac yn troi i'r gogledd i ddilyn y ffordd fel ffrwd fach trwy weundir corsiog y Migneint cyn llifo trwy [[Ysbyty Ifan]].

 

O Ysbyty Ifan ymlaen mae'r afon yn ffurfio'r ffin rhwng hen siroedd [[Sir Gaernarfon|Caernarfon]] a [[Sir Ddinbych|Dinbych]] am y rhan fwyaf o'i chwrs. Ger [[Pentrefoelas]] mae hi'n cwrdd â'r [[A5]] ac yn rhedeg heibio i erddi [[rhododendron]] y Foelas a thrwy chwm cul coediog rhwng y bryniau i'w [[aber|haber]] ag [[Afon Machno]], sy'n dod i mewn iddi o'r gorllewin o gyfeiriad [[Penmachno]]. Fymryn uwchlaw'r aber honno ceir rhaeadrau ar Afon Machno a mymryn islaw ar Afon Conwy ei hun mae: [[Rhaeadr y Graig Lwyd]] <ref>[http://llennatur.com/files/u1/Diogelu_Enwau_Lleoedd.pdf Gwefan Llên Natur]; awdur: Ieuan Wyn; adalwyd 07/12/2012</ref> yn gorwedd mewn ceunant werdd ddofn; mae ystol [[eog]]iaid yma i gynorthwyo'r eogiaid ar eu taith i fyny'r afon. Fymryn islaw eto ceir Ffos Noddyn (y ''Fairy Glen'' yn Saesneg) lle rhed yr afon trwy ceunant greigiog a choedwig [[pinwydd]] cyn derbyn dŵr [[Afon Lledr]] i'w llif.