Mae '''Rhode Island''' (''State of Rhode Island and Providence Plantations'') neu yn Gymraeg '''Ynys Rhodos'''<ref>''[[Geiriadur yr Academi]]'', [Rhode Island].</ref> yn dalaith yng ngogledd-ddwyrain yr [[Unol Daleithiau]], sy'n gorwedd ar arfordir [[Cefnfor Iwerydd]] yn [[Lloegr Newydd]]. Hi yw'r lleiaf o daleithiau'r Undeb ond yr ail o ran dwysedd poblogaeth. Roedd Rhode Island yn un o 13 talaith gwreiddiol yr Unol Daleithiau a'r gyntaf i ddatgan ei hannibyniaeth ar Brydain. Cafodd ei wladychu am y tro cyntaf yn [[1636]]. [[Providence, Rhode Island|Providence]] yw'r brifddinas. Rhwng 1790 a 2020 yr enw swyddogol oedd ''The State of Rhode Island and Providence Plantations''.
