Prilep

Dinas yng Ngogledd Macedonia yw Prilep (Tyrceg: Perlepe). Saif i dde'r brifddinas Skopje, ar y rheilffordd rhwng Titov Veles a Bitola.

Prilep

Math	dinas
Poblogaeth	63,308
Pennaeth llywodraeth	Q61119921
Cylchfa amser	CET, CEST
Gefeilldref/i	Zadar, Radom, Garfield, New Jersey, Deyang, Chernihiv, Asenovgrad, Verona, Koper, Topoľčany, Nikšić
Nawddsant	Sant Nicolas
Daearyddiaeth
Sir	Bwrdeistref Prilep, Strymon
Gwlad	Gogledd Macedonia
Arwynebedd	1,194.44 km²
Uwch y môr	620 metr
Cyfesurynnau	41.3464°N 21.5542°E
Cod post	7500
Pennaeth y Llywodraeth	Q61119921
Ffeiliau perthnasol ar Comin

Roedd Prilep yn ganolfan bwysig yn ystod yr Oesoedd Canol, ac mae sawl eglwys a mynachlog o'r cyfnod hwnnw gan gynnwys Eglwys Sant Niclas, a adeiladwyd ym 1299 ac sydd yn enwog am ei ffresgoau, a Mynachlog yr Archangel Mihangel ac Eglwys Sant Demetrius, y ddau ohonynt a godwyd yn y 14g. Ar un pryd bu Stefan Dušan, Brenin Serbia i 1331 i 1346, yn byw yma. Prilep oedd man geni Marko Kraljević, Brenin Serbia o 1371 i 1395, ac un o brif arwyr y Balcanau yn y frwydr yn erbyn yr Otomaniaid. Mae olion o Gastell Prilep, a godwyd gan y Brenin Marko, yn sefyll hyd heddiw.

Prilep yw'r ddinas bedwaredd fwyaf yng Ngogledd Macedonia ac yn brif ganolfan i fasnach a gweithgynhyrchu yn ardal Pelagonia. Tyfir ffrwythau a thybaco yn iseldiroedd ffrwythlon Basn Prilep, ac yma hefyd cynhyrchir tecstilau, gwin, a lledr. Gwneir briciau silica a defnyddiau ynysol o ddiatomit yn y ddaear.

Gostyngodd y boblogaeth o 71,899 ym 1994 i 66,246 yn 2002, ac i 64,830 yn 2016.