Offeren: Gwahaniaeth rhwng fersiynau

Gwasanaeth [[Cristnogaeth|Cristnogol]] a'i [[litwrgi]] sy'n cynnwys yr Ewcharist neu'r [[cymun]], gweinyddiad y sacrament, neu'r ordinhad o [[Swper yr Arglwydd]] yw'r '''offeren'''<ref name=GPC/> yn enwedig yn [[yr Eglwys Gatholig Rufeinig]], ond hefyd gan eglwysi a chynulleidfaoedd eraill megis yr [[Anglo-Gatholigiaeth|Anglo-Gatholigion]] ac Anglicaniaid [[yr Uchel Eglwys]].

 

Y Weddi Ewcharistaidd yw canolbwynt yr Offeren. Seilir y ffurfwasanaeth ar litwrgi hynafol sy'n dyddio'n ôl i'r oes Rufeinig. Mae'r ddefod yn cynnwys dwy ran: Litwrgi'r Gair, sy'n cynnwys darlleniadau o'r [[ysgrythur]] a'r bregeth neu [[homili]]; a Litwrgi'r Ewcharist, sy'n cynnwys yr [[offrymiad]], gweddi'r cysegriad neu'r canon, a defod y cymun. Wrth graidd diwinyddiaeth yr Offeren mae athrawiaeth [[trawsylweddiad]]. Newidiodd yr Offeren yn sgil [[Ail Gyngor y Fatican]] (1962–65), er enghraifft rhoddwyd caniatâd i ddefnyddio ieithoedd ar wahân i'r [[Lladin]].