Golwg360

Mae Golwg360 yn wasanaeth newyddion dyddiol arlein a lansiwyd ym mis Mai 2009.

Ariennir Golwg360 trwy gymysgedd o grant cyhoeddus gan Lywodraeth Cymru a Chyngor Llyfrau Cymru a gwerthiant hysbysebion a gwasanaethau masnachol drwy'r wefan. Cafodd grant ddechreuol o £600,000 dros gyfnod o dair mlynedd, gan roi diwedd ar obeithion Dyddiol Cyf ar gyfer cael arian cyhoeddus ar gyfer papur dyddiol print Cymraeg Y Byd. ym Mawrth 2011 cafodd Golwg360 estyniad i'w grant am dair mlynedd arall wedi adroddiad ffafriol gan Wavehill ConsultingNewyddion am estyniad cytundeb Golwg360 (Cyngor Llyfrau Cymru)Adolygiad Wavehill o ddatblygiad y gwasanaeth newyddion ar-lein Golwg360 .

Er bod cryn gydweithio rhwng Cylchgrawn Golwg a Golwg360 ar sawl lefel, rhedir y ddau wasanaeth newyddion fel busnesau ar wahân gyda'u golygyddion eu hunain. Owain Schiavone yw prif-weithredwr Golwg360; a Bethan Lloyd yw'r golygydd presennol, sydd yn cymryd lle Ifan Morgan Jones fu'n olgydd rhwng Mai 2009 a Medi 2011Erthygl BBC Cymru Medi 2011.

Mae prif adrannau y wefan yn cynnwys:

• Newyddion
• Chwaraeon
• Celfyddydau
• Calendr
• Blog
• Bwyd
• Lle Pawb
• Adran Swyddi

Ers i wasanaeth newyddion BBC Cymru roi'r gorau i gyhoeddi newyddion Prydeinig a rhyngwladol‘By lightning beneath the sea:’ adoption of New Media in the Welsh language. (Grahame Davies, 2005), Golwg360 yw'r unig fan gyhoeddwr print lle gellir darllen straeon newyddion dyddiol sydd ddim â ffocws penodol Cymreig.