Gramadeg Einion Offeiriad: Gwahaniaeth rhwng fersiynau

'''Gramadeg Einion Offeiriad''' yw'r ymgais Gymraeg gyntaf y gwyddys amdani gyda sicrwydd i geisio [[Gramadegau Cerdd Dafod|cyfundrefnu]] [[cerdd dafod]]. Fe'i tadogir ar [[Einion Offeiriad]], sef clerigwr a bardd a flodeuai, fe dybir, yn ystod hanner cyntaf y bedwaredd ganrif ar ddeg. Yr oedd hwn yn gyfnod pwysig yn hanes ein llenyddiaeth gan mai dyma'r cyfnod rhwng [[Beirdd y Tywysogion]] a [[Beirdd yr Uchelwyr]]. Cysylltir y gramadeg hefyd â [[Dafydd Ddu o Hiraddug|Dafydd Ddu Athro o Hiraddug]], a thybir iddo ef olygu gramadeg a fodolasai eisoes. Tybiai Syr [[John Morris-Jones]] mai Einion a'i lluniodd yn gyntaf, rywbryd ar ôl 1322, ac y bu i Ddafydd ei olygu a'i helaethu'n ddiweddarach.