Gruffudd Fychan ap Gruffudd ab Ednyfed: Gwahaniaeth rhwng fersiynau

[[Bardd]] [[Cymraeg]] a ganai yn ail hanner y bedwaredd ganrif ar ddeg oedd '''Gruffudd Fychan ap Gruffudd ab Ednyfed''' (tua'r [[1330au]] - tua diwedd y [[14eg ganrif]]).<ref>Erwain Haf Rheinallt (gol.), 'Gwaith Gruffudd Fychan ap Gruffudd ab Ednyfed'. Rhagymadrodd</ref>

Ni wyddys nemor dim am y bardd ar wahân i dystiolaeth ei gerddi, ond ceir nodyn gan [[Evan Evans (Ieuan Fardd)]] (18fed ganrif) yn cyfeirio ato fel gŵr o [[Marchwiail|Farchwiail]] yng nghwmwd [[Maelor Gymraeg]] (ardal [[Wrecsam (sir)|Wrecsam]] heddiw). Roedd un o'i noddwyr, Rhisiart ap Syr Rhosier Pilstwn, yn byw ym [[Maelor Saesneg]]. Ymddengys felly fod y bardd yn frodor o ogledd-ddwyrain Cymru, ac efallai o Faelor Gymraeg.<ref>Erwain Haf Rheinallt (gol.), 'Gwaith Gruffudd Fychan ap Gruffudd ab Ednyfed'. Rhagymadrodd</ref>

Cedwir tair [[awdl]] ac un [[cywydd]] o waith y bardd, cyfanswm o 539 llinell. Ceir dwy awdl foliant, un i Ddafydd Fychan ap Dafydd Llwyd o Drehwfa a [[Trefeilir|Threfeilir]] ([[Môn]]), a'r llall i Hywel ap [[Goronwy ap Tudur]] Hen o [[Penmynydd|Benmynydd]] (Môn eto). Canodd gywydd i ofyn [[telyn]] i Risiart ap Syr Rhosier Pilstwn, sy'n cynnwys ymddiddan rhyngddo a'i gydfardd [[Rhisierdyn]]. Ceir hefyd awdl grefyddol i [[Iesu|Grist]] a [[Mair Forwyn|Mair]].<ref>Erwain Haf Rheinallt (gol.), 'Gwaith Gruffudd Fychan ap Gruffudd ab Ednyfed'. Rhagymadrodd</ref>