William ap Thomas: Gwahaniaeth rhwng fersiynau

Uchelwr Cymreig ac adeiladydd [[Castell Rhaglan]] oedd Syr '''William ap Thomas''' (bu farw 1445). Ef oedd sylfaenydd [[Teulu'r Herbertiaid]].

 

Daeth Castell Rhaglan i'w feddiant pan briododd Elizabeth Bloet, gweddw Syr James Berkeley, yn fuan wedi [[1406]]. Wedi i Elizabeth farw yn 1420, cadwodd William ei afael ar Raglan fel tenant ei lysfab, James Berkeley, Barwn 1af Berkeley, ac yn [[1425]] cytunodd Berkeley iddo gadw Rhaglan am weddill ei oes.

 

Daeth yn ffigwr pwysig yn ne Cymru, gan ddod yn stiward Arglwyddiaeth [[y Fenni]] yn [[1421]], ac yn ddiweddarach yn brif stiward stadau Dug Efrog yng Nghymru yn 1442-1443. Apwyntiwyd ef yn Siryf [[Sir Aberteifi]] a [[sir Gaerfyrddin]] yn 1435, ac yn siryf [[Sir Forgannwg]] yn 1440. Yn 1432, prynodd faenor Rhaglan oddi wrth deulu Berkeley am tua 667 punt. Tua'r adeg yma, yn ôl pob tebyg, y dechreuodd adeiladu'r castell presennol. Bu farw yn [[Llundain]] yn 1445, a chladdwyd ef yn Egwys Priordy'r Fenni. Olynwyd ef gan ei fab, [[William Herbert, Iarll 1af Penfro|William]], a gymerodd y cyfenw Herbert, ac a ddaeth yn [[Iarll Penfro]]. Mab arall iddo oedd [[Richard Herbert]].

 

[[Categori:Pobl o Went]]