Thomas Roberts, Llwyn'rhudol: Gwahaniaeth rhwng fersiynau

Awdur Cymraeg radicalaidd oedd '''Thomas Roberts''' (1765/6 - 24 Mai 1841<ref>[http://yba.llgc.org.uk/cy/c-ROBE-THO-1765.html Bywgraffiadur Arlein]</ref>), a chwaraeodd ran flaenllaw ym mywyd gwleidyddol a diwylliannol [[Cymry Llundain]] ac a gofir fel awdur y bamffled ddylanwadol ''Cwyn yn erbyn gorthrymder'' ac fel un o sefydlwyr [[Cymdeithas y Gwyneddigion]]. Cyfeirir ato gan amlaf fel '''Thomas Roberts, Llwyn'rhudol'''. Roedd yn wladgarwr pybyr.

 

Ganed Thomas Roberts yn Llwyn'rhudol (hefyd: Llwynrhudol) ym mhlwyf [[Abererch]], ger [[Pwllheli]], [[Eifionydd]], yn 1795 neu 1796. Cyfreithiwr cefnog oedd ei dad, Robert Williams o'r Llwyndu, [[Llanllyfni]]. Bu farw rhieni Thomas yn bur gynnar ac aeth i fyw a gweithio yn [[Llundain]] cyn cyrraedd ei 14 oed. Gweithiai fel eurof yno. [[Crynwr]] oedd o ran ei ddaliadau crefyddol.<ref>John James Evans, ''Cymry enwog y ddeunawfed ganrif'' (Gwasg Aberystwyth, 1937). Pennod IV.2.</ref>

 

Enw ei wraig oedd Mary, yn enedigol o [[Swydd Warwick]]. Cawsant bedwar o blant.

 

Yn ei bamffled ''Cwyn yn erbyn gorthrymder'', a gyhoeddwyd yn 1798, gwelir dylanwad amlwg radicaliaeth herfeiddiol yr oes a syniadau'r [[Chwyldro Ffrengig]]. Daw [[Eglwys Loegr]] a'r [[Methodistiaid]] fel ei gilydd dan ei lach am fod mor geidwadol. Ond yn nes ymlaen, yn 1806, amddiffynnodd y Methodistiaid yn erbyn ymosodiad enllibus [[Edward Charles]] (Siamas Gwynedd).

 

 

{{DEFAULTSORT:Roberts, Thomas}}

[[Categori:Cenedlaetholdeb Cymreig]]

[[Categori:Crynwyr]]

[[Categori:Cymry Llundain]]

[[Categori:Llenorion Cymraeg]]

[[Categori:Llenorion Cymreig yn yr iaith Saesneg]]

[[Categori:Pobl o Eifionydd]]