Cynan ab Iago: Gwahaniaeth rhwng fersiynau

Roedd '''Cynan ab Iago''' (fl. tua 1040 - 1060) yn fab i [[Iago ab Idwal ap Meurig]] ([[974]]? — [[1039]]), brenin [[Teyrnas Gwynedd|Gwynedd]], ac yn dad [[Gruffudd ap Cynan]], a ddaeth yn ei dro yn frenin Gwynedd.

 

Daeth Iago, oedd o linach [[Idwal Foel]], yn frenin ar Wynedd ar farwolaeth [[Llywelyn ap Seisyll]] yn [[1023]]. Fodd bynnag, lladdwyd ef gan ei ŵyr ei hun yn [[1039]], a dilynwyd ef gan fab Llywelyn ap Seisyll, [[Gruffudd ap Llywelyn]]. Gorfodwyd Cynan ab Iago i ffoi i [[Iwerddon]].

 

Gellir casglu o Hanes Gruffudd ap Cynan fod Cynan wedi marw pan oedd Gruffudd yn ieuanc. Dywedir i'w fam egluro iddo mai ef oedd gwir etifedd teyrnas Gwynedd, ond nid oes sôn am ei dad yn y cyswllt yma. Pan ddychwelodd Gruffudd ap Cynan i hawlio teyrnas Gwynedd yn ddiweddarach, cyfeirid ato fel "wyr Iago" yn hytrach na "Mab Cynan", sy'n awgrymu nad oedd Cynan yn adnabyddus yng Nghymru .