Ifor Bach: Gwahaniaeth rhwng fersiynau

Yr oedd '''Ifor ap Cadifor''', a elwid yn '''Ifor Bach''' (fl. c. [[1158]]) —a elwir yn '''Ifor Meurig''' yn y [[Brut]]iau, Ifor ap Cadifor yn achau'r 16eg a'r 17eg ganrif — yn arglwydd [[Senghennydd]], 'arglwyddiaeth ddibynnol' ar arglwyddiaeth [[teyrnas Morgannwg|Morgannwg]] ac yn cynnwys yr ardal fynyddig yn ymestyn o [[Aberhonddu]] yn y gogledd, crib Cefn Onn yn y de, [[afon Taf]] yn y gorllewin, ac [[afon Rhymni]] yn y dwyrain.

Priododd Ifor Bach [[Nest]], chwaer (meddyr [[Arglwydd Rhys]] yn ôl ''[[Brut y Saeson]]'') yr [[Arglwydd Rhys]]. Credir fod Ifor Bach yn gyfrifol am godi castell ar safle [[Castell Coch]] heddiw, ger Caerdydd. Dilynwyd ef cyn [[1170]] gan ei fab [[Gruffudd ab Ifor|Gruffudd]]. Parhaodd disgynyddion Ifor Bach mewn grym yn Senghennydd yn wyneb y Normaniaid a'r Saeson am ganrif neu ragor. Roedd y disgynyddion hynny yn cynnwys [[Morgan Gam]], ŵyr Ifor, a'i or-ŵyr [[Llywelyn Bren]].