Phylip Brydydd: Gwahaniaeth rhwng fersiynau

Un o [[Beirdd y Tywysogion|Feirdd y Tywysogion]] a ganai yng [[Teyrnas Gwynedd|Ngwynedd]] a [[Teyrnas Deheubarth|Deheubarth]] yn hanner cyntaf y [[13eg ganrif]] oedd '''Phylip Brydydd''' (fl. [[1222]]). Roedd yn frodor o [[Ceredigion|Geredigion]].<ref name="ReferenceA">Morfydd E. Owen (gol.), 'Gwaith Phylip Brydydd'.</ref>

Ni wyddys dim am y bardd ar wahân i dystiolaeth ei gerddi a chyfeiriad tebygol ato mewn cerdd ddiweddarach gan [[Gwilym Ddu]] sy'n ei gysylltu â Cheredigion. Er nad oes sicrwydd am hynny, mae'n bosibl mai ef yw'r Phylip ab Ifor ap Cydifor ap Gwaithfoed a geir yn achau Deheubarth ac a gysylltir â [[Llanbadarn Odwyn]], [[Pennardd]], yng Ngheredigion. Mae ei enw yn dangos ei fod yn [[Prydydd|brydydd]] yng nghyfundrefn y beirdd.<ref>Morfydd E. Owen (gol.), 'Gwaith Phylip Brydydd'.<name="ReferenceA"/ref>

Cedwir ar glawr yn y llawysgrifau bedair o gerddi mawl gan y bardd i [[Rhys Gryg]], mab [[Yr Arglwydd Rhys]] o Ddeheubarth, [[Rhys ap Gruffudd ap Rhys|Rhys Ieuanc]] (nai Rhys Gryg), ac i'r Tywysog [[Llywelyn ap Iorwerth]] ([[Llywelyn Fawr]]) o Wynedd. Yn ogystal ceir dwy gerdd [[ymryson barddol|ymryson]] arbennig sy bron yn unigryw yng ngwaith y [[Gogynfeirdd]] ac sy'n cynnig golwg gwerthfawr ar y Traddodiad Barddol yn [[Oes y Tywysogion]].<ref>Morfydd E. Owen (gol.), 'Gwaith Phylip Brydydd'.<name="ReferenceA"/ref>