Y gwahaniaeth rhwng diwygiadau o "Afon Conwy"

Ychwanegwyd 19 beit ,  5 o flynyddoedd yn ôl
B
cyswllt uniongyrchol i'r nod
B (cyswllt uniongyrchol i'r nod)
Cyn cyrraedd pentref [[Betws-y-Coed]] mae [[Afon Llugwy]] yn ymuno â hi yn ogystal. [[Llyn yr Afanc]] yw'r enw ar y pwll mawr o ddŵr tawel tywyll ger aber y ddwy afon ac mae yna chwedl werin am yr anghenfil oedd yn byw yno a gafodd ei swyno allan o'r llyn gan eneth ifanc a'i llusgo i fyny'r dyffryn i Lyn Cwm Ffynnon Las, ger [[Dolwyddelan]]. Mae'r afon yn llifo wedyn dan bont haearn enwog [[Pont Waterloo]], sy'n cludo'r ffordd [[A5]] drosti.
 
Mae Afon Conwy yn awr yn llifo'n arafach o lawer tua'r gogledd, heibio i ddolydd eang a phorthfa bras i lawr i [[Llanrwst|Lanrwst]] a than pont dri bwa [[Inigo Jones]]. Yn is i lawr mae'n llifo heibio i bentrefi [[Trefriw]], [[Dolgarrog]] a [[Tal-y-bont, Conwy|Thal-y-bont]] ac yn mynd heibio i [[Caerhun|Gaerhun]] a safle'r [[Caerau Rhufeinig Cymru|gaer Rufeinig]] [[Canovium]] a'i hen eglwys. Mae pont yn cysylltu [[Tyn-y-Groes]] a [[Tal-y-cafn]] dros yr afon ac i'r gogledd i Dyn-y-Groes mae hi'n llifo wrth droed hen gaer Geltaidd [[Bryncastell]].
 
Mae'r afon yn ymledu ar ôl Tal-y-cafn ac yn mynd heibio i [[Glan Conwy]] cyn cyrraedd y môr yn ymyl tref [[Conwy (tref)|Conwy]]. Yng Nghonwy mae ei llif yn cael ei chyfyngu i redeg dan dair pont ger muriau'r castell: [[Pont Grog Conwy]] gan [[Thomas Telford|Telford]], [[Pont Rheilffordd Conwy]] gan [[Robert Stephenson|Stephenson]], a phont ffordd a adeiladwyd ym [[1958]]. Mae'r bont honno, a'r dref, bellach wedi eu hosgoi gan yr [[A55]], sy'n rhedeg mewn twnnel dan yr afon. Wrth ymyl y pontydd hefyd y mae [[Afon Gyffin]] yn ymuno â hi. Mae Afon Conwy yn afon lanwol ar ran olaf ei thaith a gall effaith y llanw gyrraedd cyn belled â Llanrwst ar lanw mawr.
9,149

golygiad