Lafant: Gwahaniaeth rhwng fersiynau

Mae'r mathau ''Lavandula intermedia'' a'r ''Lavendin'' yn cael eu tyfu a'u cynaeafu'n fasnachol er mwyn eu [[olew|holew]] gan fod eu blodau'n eithriadol o fawr. Defnyddir yr olew ar gyfer [[aromatherapi]] ac fel [[antiseptig]]. Cânt hefyd eu defnyddio mewn ''Potpourri'' oherwydd sawr hyfryd y planhigyn. Ers canrifoedd fe'u rhoddid mewn sachau bychan er mwyn arogl da, gan gynnwys eu rhoi mewn cwpwrdd dillad i gadw'r [[gwyfyn]] i ffwrdd.

Gan fod peth wmbredd o [[neithdar]] yn y blodau mae'r [[gwenynen|wenynen]] yn hoff iawn o lafant. Defnyddir y perlysieuyn hwn yn aml mewn pwdinau, yn enwedig siocled, a'i wneud yn "siwgr lafant" ac yn "syryp lafant" hefyd. Caiff ei ddefnyddio mewn te llysieuol megis te gwyrdd neu du er mwyn ei arogl ffres sy'n ymlacio person. Fe'i defnyddid yn ardal [[Provence]] i felysu bwyd a chaiff ei baru'n aml gyda chawsiau megis [[caws gafr]] a chaws dafad. Yr egin (sy'n cael ei galw'n "flodau") yw'r brif ran sy'n cael ei ddefnyddio yn y gegin gan mai ynddyn nhw mae'r olew. Mae rhai cogyddion o Ffrainc yn arbrofi gyda'r dail, hefyd. Ystyr y gair Lladin lavare yw "ymolchi" - sy'n cysylltu'r planhigyn hwn gyda'r arferiad Rhufeinig o'i roi mewn bath er myn yr arogl da a'i allu i ymlacio'r person. Gall dyfu hyd at 60  cm o uchder.

[[CategoryCategori:Lamiaceae]]