Dracoraptor: Gwahaniaeth rhwng fersiynau

[[Genws]] o [[deinosor|ddeinosoriaid]] ydy'r '''''Dracoraptor hanigani''''' (Cymraeg: '''Lleidr y Ddraig'''). Darganfuwyd eu [[ffosil]]iau yng Nghymru yn y [[2010au]]. Pan oedd yn fyw, roedd y deinosor o faint ci bychan aca gan fod y dannedd 1cm yn siarp fel cyllyll, gwyddom ei fod yn gigysol. Disgrifiwyd y darganfyddiad gan Steven Vidovic, [[palaeontoleg]]ydd ym Mhrifysgol Portsmouth fel ‘y ffosiliau deinosor gorau a ddarganfyddwyd yng Nghymru’ gan mai dyma'r ffosiliau cyntaf o [[Cyfnod (daeareg)|gyfnod]] y [[Jwrasig]] cynnar, sydd wedi'u darganfod yng Nghymru.<ref>[http://www.theguardian.com/science/2016/jan/20/welsh-dinosaur-bones-confirmed-as-new-jurassic-species [[Papur newydd]] y 'Guardian';] adalwyd 21 Ionawr 2016.</ref> Mae'r ffosiliau - sy'n 201 miliwn o flynyddoedd oed - yn cael eu cadw yn [[Amgueddfa Cymru]].<ref>[http://carnivoraforum.com/topic/10407810/1/ carnivoraforum.com;] adalwyd 21 Ionawr 2016</ref>

Darganfuwyd y ffosiliau yn 2014 mewn craig waddodol ger Glwb Golff Morgannwg, [[Larnog]], a chredir fod y deinosor, ar un cyfnod, wedi marw ar arfordir ynys lle ysgubwyd ef gan y trai i'r môr a'i orchuddio gan wely'r môr a fu'n gyfrifol am ei gadw mewn cyflwr da, a'i ffosileiddio. Mae'n fwy na phosib mai cyw oedd y ''Dracoraptor hanigani'' a bod yr oedolyn tipyn mwy, gan nad yw'r esgyrn wedi asio yn ei gilydd.