Ysgol Gynradd Gymraeg Bryntaf: Gwahaniaeth rhwng fersiynau

Gêm buarth (neu 'iard') ysgol a chwaraewyd gan blant yr ysgol yn yr 1970au oedd "yr achi touch" (ynganiad: 'achi' gyda'r /χ/ yr èch Gymraeg a 'touch' gyda /t͡ʃ/ y 'ch' Saesneg). Mae natur ddwyieithog yr enw'n adlewyrchu natur [[dwyieithrwydd|ddwyieithog]] buarth yr ysgol: sy'n gyfuniad o'r gair Cymraeg 'achi' (tebyg i 'ych-a-fi') a'r gair Saesneg ''touch''. Roedd yn air arall ar y gêm ''tag'' neu ''touch'' lle mae un plentyn 'arno' ac yn cael gwared ar yr 'haint' gan gyffwrdd plentyn arall. Byddai'r plentyn oedd 'arno' fel rheol yn gorfod rhedeg ar ôl y plant eraill i'w cyffwrdd a phasio'r haint gyda'r 'achi touch'. Roedd modd amddiffyn eich hun rhag yr 'achi touch' drwy sefyll ar fan o'r enw 'cri' (neu gartref saff) e.e. petai'r plentyn yn cyffwrdd â ffens ddur y buarth, sefyll oddi ar y llawr neu ar ben gorchudd draen ddur. Daw'r cairgair 'cri' o'r Saesneg 'cree'<ref>'[http://www.randomhouse.co.uk/editions/the-lore-of-the-playground-the-childrens-world-then-and-now/9780099505273 The Lore of the Playground: one hundred years of children's games, rhymes and tradition]' gan Steve Round, Random House. - cyfeiriad a map at y gair 'cree'.</ref> a ddefnyddir ar draws Morgannwg (hyd at [[Abertawe]]), [[Gwent]], [[Sir Frycheiniog]], [[Swydd Gaerloyw]], rhan helaeth o [[Gwlad yr Haf|Wlad yr Haf]] a gogledd [[Wiltshire]].