William Chambers: Gwahaniaeth rhwng fersiynau

Diwydiannwr a gwr cyhoeddus oedd '''[http://yba.llgc.org.uk/cy/c3-CHAM-WIL-1774.html William Chambers]''', 1774-1855. Ganwyd ef yn [[Llundain]], a derbyniodd ei addysg yng Ngholeg Sant Ioan, [[Caergrawnt]] o 1792 lle cafodd radd B.A. yn 1795, ac M.A. yn 1800. Trwy garedigrwydd neu gysylltiadau teuluol, etifeddodd William ystad Syr John Stepney, un o drigolion De Cymru, ar 18 Rhag. 1824, a daeth i fyw i Llanelly House, yn agos i eglwys y plwyf. Erbyn 1828, ef oedd uchel siryf sir [[Caerfyrddin|Gaerfyrddin]], a chyda cyd-weithrediad ei fab William Chambers, yr ieuaf (1809-1882), profodd lwyddiant sylweddol yn y maes diwydiannol trwy sefydlu'r South Wales Pottery yn 1840 gyda $10,000. ▼

Ganwyd William Chambers yr ieuaf yn Valenciennes, [[Ffrainc]], a derbyniodd ef ei addysg yn Eton a Choleg Sant Ioan, Caergrawnt rhwng 1826 a 1828. Bu'r mab yn un o sylfaenwyr y Llanelly Reform Society yn 1839, ac er ei fod yn ynad ar y pryd, bu gydag arweinwyr y mudiad protest yn ystod cyfarfod '[[Helyntion Beca|Merched Becca]]' ar Fynydd Sylen ar 25 Awst 1843, ac hefyd gyda'r rhai fu'n arestio rhai o'r arweinwyr pan ymosodwyd ar Dollborth a chlwydi ardal [[Pontarddulais]] ar 6 Medi 1843. Dioddefodd ddial y terfysgwyr yr adeg hynny. Rai blynyddoedd yn ddiweddarach, yn 1849, cyflwynodd dystiolaeth bwysig i'r comisiynwyr addysg, ac erbyn 1850 fe'i penodwyd yn gadeirydd cyntaf Bwrdd Iechyd Llanelli. Prynodd gartref newydd o'r enw Hafod yn 1853, a'i werthu hefyd cyn ei farw. ▼