Llythrennedd: Gwahaniaeth rhwng fersiynau

'''Llythrennedd''' yw'r gallu i ddarllen ac [[ysgrifennu]]. Mae canrannau llythrennedd yn amrywio'n fawr o wlad i wlad ac yn cael ei gyfrif fel un o'r mynegeion datblygu gan gyrff fel [[UNESCO]], er enghraifft yr [[Indecs Datblygiad Dynol]]; mewn gwledydd cyfoethog mae bron pawb yn meddu ar lythrennedd tra bod lefelau llythrennedd mor isel â 10-15% mewn rhai gwledydd tlawd, yn bennaf yn yr [[Affrica]] is-Saharaidd. Yn y gorffennol ychydig iawn o bobl oedd yn medru darllen ac ysgrifennu, a'r rhan fwyaf yn perthyn i'r dosbarthiadau breintiedig neu'n offeiriaid. Erbyn heddiw mae bod yn anllythrennog yn anfantais fawr yn y byd ac yn debyg o gadw pobl mewn [[tlodi]].

 

 

== Anllythrennedd heddiw ==

Mae nifer o gyrff ac unigolion wedi lleisio eu consyrn am lefelau anllythrennedd ym mhoblogaeth y byd, er gwaethaf y ffaith fod canrannau llythrennedd wedi codi'n gyson dros y degawdau diwethaf, yn arbennig yn y [[trydydd fyd]]. Eithriad i'r drefn arferol oedd y gwledydd hynny yn y trydydd fyd a ddilynai [[ideoleg]] [[Marcsaidd|Farcsaidd]] ([[Gweriniaeth Pobl China]], [[Cuba]], a [[Fietnam]], er enghraifft), a brofasant dyfiant ymhlith y mwyaf syfrdanol yn hanes y byd, gan agosáu at y lefelau a geir yng [[Canada|Nghanada]] ac Ewrop (ers degawdau mae lefel llythrennedd Cuba yn uwch na'r lefel yn yr [[Unol Daleithiau]]). Yn ôl diffiniad y [[Cenhedloedd Unedig]] o anllythrennedd fel "bod heb fedru darllen neu ysgrifennu brawddeg elfennol mewn unrhyw iaith," roedd 20% o boblogaeth y byd yn anllythrennog ym [[1998]], gyda'r mwyafrif ohonynt yn byw yn [[Affrica]] islaw'r [[Sahara]] a rhannau o [[Asia]].