Kelibia: Gwahaniaeth rhwng fersiynau

 

Mae '''Kelibia''' ('''Kélibia''') ([[Arabeg]]: قليبية) yn dref arfordirol ar arfordir gogledd-ddwyreiniol [[Cap Bon]], yn nhalaith [[Nabeul (talaith)|Nabeul]] yng ngogledd-ddwyrain [[Tiwnisia]]. Mae'n 58 km i'r gogledd o ddinas [[Nabeul]]. Dominyddir y borthladd yr hen gaer [[Ymerodraeth Fysantaidd|Fysantaidd]]. Mae Kelibia yn borthladd [[pysgota]] sy'n gartref i Ysgol Bysgota Genedlaethol Tiwnisia. Mae gan y dref boblogaeth o 43,209 (2004), gyda'r mwyafrif yn byw yn y dref newydd tua milltir i'r de-orllewin o'r borthladd.

Kelibia oedd prif ganolfan Cap Bon yn y cyfnod [[Rhufeiniaid|Rhufeinig]], oherwydd ei sefyllfa strategol a'i harbwr dwfn. Dechreuodd fel tref fechan [[Berberiaid|Ferber]]. Cafodd ei datblygu gan y [[Carthago|Carthaginaid]] o'r 5ed ganrif CC ymlaen. Codwyd caer ganddynt ar safle'r gaer ganoloesol bresennol a oedd yn rhan bwysig o darian amddiffyn [[Carthage]] ei hun, gan roi iddi ei henw [[Ffeniceg]] ''Aspis'' ('tarian'). Cipiwyd y dref gan y Rhufeiniaid dan [[Regulus]] a thyfodd yn ddinas Rufeinig dan yr enw ''Clypea'' (a ddaeth yn 'Kelibia' gyda threiglad amser).

 

 

Rhai milltiroedd i'r gogledd o Kelibia ceir safle archaeolegol [[Kerkouane]], lle ceir adfeilion unigryw dinas [[Ffenicia]]idd.