Sŵnami: Gwahaniaeth rhwng fersiynau

Sefydlwyd y band yn 2011, gan ymddangos ar gystadleuaeth Brwydr y Bandiau C2 y flwyddyn honno. Daeth y band yn ail, gyda Siân Miriam yn cipio'r wobr gyntaf. Roedd y pum aelod gwreiddiol, Ifan Davies (llais, gitâr), Ifan Ywain (gitâr), Gerwyn Murray (gitar fâs, llais), Huw Ynyr (allweddellau, llais), a Tom Ayres (drymiau), wedi eu magu ym [[Meirionnydd]], gyda'r rhan fwyaf ohonynt yn mynychu [[Coleg Meirion-Dwyfor|Coleg Meirion Dwyfor]]. Ymddangosodd y grŵp ar raglen [[Bandit (rhaglen deledu)|Bandit]] ar y ffurf hwn.<ref>https://www.youtube.com/watch?v=WEBE1YVmFdM</ref> Bu i'r grŵp ennill yng nghategori 'Band Newydd Gorau' yn noson wobrau'r [[Y Selar|Selar]] y flwyddyn hon.

Erbyn rhyddhau eu senglau cyntaf, ''Mynd a Dod'' ac ''Eira'' ar label [[Rasal]] yn 2012, bu i Tom Ayres gyfnewid â Lewis Williams (gynt o Helyntion Jôs y Ficar) ar y drymiau, a Huw Ynyr yn penderfynu peidio ymddangos â'r band ar lwyfan. Ymunodd Gruff Jones, a oedd eisoes â phrosiect cerddorol electronig o'r enw [[Crash.Disco!]], â'r band, gan achosi iddynt ddatblygu elfennau electronig eu cerddoriaeth ymhellach. Rhyddhawyd EP arall, ''Du a Gwyn'', ar y label hwn yn 2013, a oedd yn cynnwys un o'u caneuon mwyaf poblogaidd, 'Gwreiddiau'.