Pryderi: Gwahaniaeth rhwng fersiynau

Cymeriad ym [[Pedair Cainc y Mabinogi|Mhedair Cainc y Mabinogi]] yw '''Pryderi''', mab [[Pwyll]], brenin Dyfed, a [[Rhiannon]] ei wraig. Ef yw'r unig gymeriad sy'n ymddangos ym mhob un o'r pedair cainc.

Yn y Gainc Gyntaf, ''[[Pwyll, Pendefig Dyfed]]'', ceir hanes geni Pryderi. Mae Pwyll yn cyfarfod [[Arawn]], brenin [[Annwfn]] (yr [[Arallfyd]]) ac yn cyfnewid lle â fo am flwyddyn ac yn ennill [[Rhiannon]] yn wraig. Genir mab i Bwyll a Rhiannon, ond y noson ar ôl ei eni mae y baban yn diflannu. Cyhuddir Rhiannon o'i ladd, ac er iddi wadu hyn mae'r llys yn pwyso ar Pwyll i'w hysgar. Gwrthyd Pwyll wneud hyn, ond mae Rhiannon yn gorfod gwneud penyd. Bedair blynedd yn ddiweddarach mae [[Teyrnon Twrf Liant]], brenin [[Gwent Is Coed]], yn dod â'r mab i lys Pwyll. Yr oedd y bachgen wedi ei gymeryd trwy hud i lys Teyrnon, lle magwyd ef dan yr enw "Gwri Wallt Eurin". Caiff yr enw '''Pryderi''' o eiriau Rhiannon pan glyw fod ei mab yn fyw: "Oedd esgor fy mhryder im, pe gwir hynny."