Uttarakhand: Gwahaniaeth rhwng fersiynau

Mae '''Uttarakhand''' ([[Hindi]]: उत्तराखंड), a adnabyddid fel '''Uttaranchal''' o 2000 hyd 2006, yn dalaith yn [[India]]. Uttarakhand oedd y 27ain o daleithiau India i ddod i fodolaeth, ar [[9 Tachwedd]], [[2000]], wedi ei ffurfio o diriogaethau oedd cynt yn rhan o [[Uttar Pradesh]]. Mae'n ffinio â [[Tibet]] yn y gogledd a [[Nepal]] yn y dwyrain, ac hefyd â thaleithiau [[Himachal Pradesh]] yn y gorllewin ac Uttar Pradesh yn y de.

Prifddinas y dalaith ar hyn o bryd yw [[Dehra Dun]]. Mae'r boblogaeth frodorol yn ei galw eu hunain yn [[Garhwali]]/[[Kumaoni]], ac mae dros 90% ohonynt yn ddilynwyr [[Hindwaeth]]. Roedd y boblogaeth yn 8,479,562 yn [[2001]]. Mae'r rhan ogleddol o'r dalaith yn rhan o'r [[Himalaya]]; y mynydd uchaf yw [[Nanda Devi]] (7816 m.).Yn Uttarakhand mae [[Afon Ganga]] ac [[Afon Yamuna]] yn tarddu, yn [[Gangotri]] a [[Yamunotri]], sy'n gyrchfannau pererinion. Mae [[Haridwar]] hefyd yn gyrchfan boblogaidd. Ceir nifer o barciau cenedlaethol yma, yn cynnwys [[Parc Cenedlaethol Jim Corbett]] yn Ramnagar, yr hynaf o barciau cenedlaethol India.