Baner Sri Lanca: Gwahaniaeth rhwng fersiynau

Mae gan '''[[baner|faner]] [[Sri Lanca]]''' betryal yn yr ''hoist'' sydd wedi'i rannu'n hanner chwith gwyrdd a hanner dde saffron, a phetryal [[rhudd]] yn y ''fly'' â llew euraidd yn dal cleddyf ynddo. Daw enw traddodiadol yr ynys yn llenyddiaeth [[Sansgrit]] a [[Pali]], Sinhaladvipa, o'r [[Sinhaleg]] am lew (sinha), a bu llew yn dal cleddyf yn symbol ar faner y wlad ers y 15fed ganrif15g. Mabwysiadwyd y faner gyda border melyn, i symboleiddio [[Bwdhaeth]], ar 4 Chwefror 1948. Mae'r llew yn cynrychioli'r awydd am heddwch a'r rhudd yn symboleiddio balchder cenedlaethol. Ychwanegwyd y stribedi gwyrdd (am [[Islam|Fwslimiaid]]) a saffron (am y [[Tamil]]iaid) ym 1950. Mabwysiadwyd y dyluniad cyfredol ar 7 Medi 1978 pan ychwanegwyd pedair deilen y [[ffigysbren]] yng nghorneli'r petryal rhudd. Maent yn cynrychioli'r ffigysbren a wnaeth [[Siddartha Gautama]] eistedd oddi tanddi pan enillodd [[goleuedigaeth (Bwdhaeth)|oleuedigaeth]] a daeth yn y [[Bwdha]], ac yn unigol maent yn symboleiddio cariad, trugaredd, cydymdeimlad, a phwyll.