Wicipedia:Gwiriadrwydd: Gwahaniaeth rhwng fersiynau

Tarddiad y gair '''Gwiriadrwydd''' yw '''yr hyn sy'n wir''', (ac felly hefyd gair '''gwiro''' - ''to check''), sef sicrhau fod rhywbeth yn wir, neu'n gywir.

Yn Wicipedia gall y defnyddwyr wiro fod y wybodaeth sydd ynddi yn dod o [[https://cy.wikipedia.org/wiki/Wicipedia:Tiwtorial_Tiwtorial (Nodi_ffynonellauNodi ffynonellau)|ffynonellau dibynadwy]], [[Wicipedia:Safbwynt niwtral|diduedd]]. Daw'r wybodaeth, felly, o ffynonellau sydd wedi'u cyhoeddi, yn hytrach na barn ei golygyddion.

Mae Wicipedia'n dibynnu, felly, ar ffynonellau; y cwestiwn anodd ei ateb yw pa ffynonellau a pha wefannau, papurau sianeli a llyfrau sy'n ddibynadwy, yn gywir, yn ddiduedd? Yn 2017 cafwyd trafodaeth ar enwici (y Wicipedia Saesneg) pam na ddylid defnyddio rhai tabloids Saesneg; dilynwyd hyn gan drafodaeth debyg yn Gymraeg (gweler y Caffi), ond penderfynwyd mai'r golygydd unigol ddylai wiro a dethol y ffynonellau, yn hytrach na pholisi. Pan fod ffynonellau dibynadwy'n anghytuno â'i gilydd dylai'r erthygl barhau'n [[Wicipedia:Safbwynt niwtral|ddiduedd]] gan roi sylw i'r ddwy ochr, ond mwy o sylw i'r ochr a gredir fwyaf gan y ffynhonnell fwyaf arbenigol yn y pwnc dan sylw. Er enghraifft, dyweder fod 95% o wyddonwyr yn credu mai CO2 yw'r rheswm pam fod y Ddaear yn cynhesu, yna dylai'r rhan fwyaf o'r erthygl fod yn gosod eu hochr nhw o'r ddadl a rhan fechan i'r ochr arall. Nid yw barn 'swyddogol' gwledydd o angenrheidrwydd yn gywir, mwy nag yw barn papur newydd 'cenedlaethol'; yn aml, yn sacrosanct e.e. ers canrifoedd, mae'r Cymry wedi ystyried Llydaw yn wlad, ac nid yw'r ffaith fod ''Frainc' yn gwrthod defnyddio'r gair hwnnw yn dadwneud nac yn disodli ein hawl ni ar Wicipedia i alw Llydaw yn wlad.