Geiriadur Prifysgol Cymru: Gwahaniaeth rhwng fersiynau

Dechreuodd gwaith ar y [[geiriadur]] yn [[1921]] gan dîm bychan o staff cyflogedig yn [[Llyfrgell Genedlaethol Cymru]], [[Aberystwyth]], dan ofal y Parch. [[J. Bodvan Anwyl]] a drefnodd, fel Ysgrifenydd, griw mawr o ddarllenwyr gwirfoddol i chwilio geiriau Cymraeg mewn ffynonellau yn amrywio o [[llawysgrifau Cymreig|lawysgrifau Cymraeg]] i lyfrau printiedig hen a diweddar. Dechreuwyd ar y dasg o olygu'r deunydd hwnnw a chreu'r geiriadur ei hun ym mlwyddyn academaidd [[1948]]/[[1949]], dan olygyddiaeth [[R. J. Thomas]], gyda'r geiriadur yn cael ei gyhoeddi mewn rhannau unigol 64 tudalen ; cyfanswm o 61 o rannau erbyn y diwedd. RhwynwydRhwymwyd rhannau 1-21 fel Cyfrol I (a–ffysur) yn 1967. Rhwymwyd rhannau 22-36, golygwyd gan [[Gareth A. Bevan]], fel Cyfrol II (g–llyys) yn 1987. Cafodd rhannau 37-50, golygwyd gan Bevan a [[Patrick J. Donovan]], eu rhwymo a'u cyhoeddi fel Cyfrol III (m–rhywyr) yn 1998. Ysgrifennwyd y cofnod drafft olaf ar [[6 Rhagfyr]] [[2001]], ar ôl 80 mlynedd o gasglu a chofnodi. Cyhoeddwyd Cyfrol IV, golygwyd gan Bevan a Donovan, yn Rhagfyr [[2002]]. Y cofnod olaf yw "Zwinglïaidd, ''Zwinglian'' (ans.)", a'r tri chofnod ynglŷn â [[Huldrych Zwingli|Zwingli]] yw'r unig eiriau yn y Gymraeg sy'n dechrau gyda "Z".