Marilyn Monroe: Gwahaniaeth rhwng fersiynau

Am fod Grace a'i gŵr ar fin symud i arfordir orllewinol yr Unol Daleithiau, nid oeddent yn medru mynd a Norma Jeane gyda hwy. Roedd teulu arall eisiau mabwysiadu Norma Jeane ond nid oedd Gladys wedi cytuno i hyn. Awgrymodd Grace i gymydog y gallai ei mab, James Dougherty, briodi Norma Jeane er mwyn sicrhau nad oedd yn dychwelyd i'r cartref i blant amddifad, ac ym mis Mehefin 1942, priododd y ddau. Arhosodd y ddau yn briod tan [[1946]] pan benderfynodd Monroe ddilyn ei gyrfa ei hun.

Yn sgîl llwyddiant ''Love Happy'', cytunodd yr asiant Johnny Hyde i gynrychioli Monroe. Trefnodd glywediad iddi gyda John Huston, a roddodd rhan iddi yn y ddrama The Asphalt Jungle, fel meistres ifanc i droseddwr hŷn. Derbyniodd ei pherfformiad feirniadaethau clodwiw. Dywedodd yr ysgrifennwr a'r cyfarwyddwr Herman Mankiewicz mai diniweidrwydd Monroe oedd ei phrif apel a'i bod yn gwbl addas ar gyfer y rhan. Wedi llwyddiant Monroe yn y rôlau hyn, negydodd Hyde gytundeb saith mlynedd i Monroe gyda chwmni 20th Century Fox, ychydig cyn ei farwolaeth ym misyn Rhagfyr 1950.

Cofrestrodd Monroe ar gwrs llenyddiaeth a gwerthfawrogi celf ym [[Prifysgol Califfornia|Mhrifysgol Califfornia]], [[Los Angeles]] ac ymddangosodd mewn nifer o ffilmiau bychan, gan serennu gyda pherfformwyr fel [[Mickey Rooney]], Constance Bennett, June Allyson, Dick Powell a Claudette Colbert. Ym mis Mawrth 1951, ymddangosodd fel cyflwynwraig ar 23ain Seremoni Gwobrau'r Academi.<ref>Wiley a Bona, td. 208</ref>

[[Delwedd:180px-Pb1253.jpg|bawd|dde|Monroe ar glawr cylchgrawn [[Playboy (cylchgrawn)|Playboy]]]]Ym mis Mawrth 1952, wynebai Monroe [[sgandal]] posib pan ymddangosodd un o'i lluniau noeth ar galendr. Dyfalodd y wasg ynglŷn â phwy oedd y [[model]] di-enw gan nodi ei bod yn edrych yn debyg iawn i Monroe. Wrth i'r stiwdio drafod sut i ymdrin â'r sefyllfa, awgrymodd Monroe y dylai gyfaddef ei bod wedi modeli'n noeth ond y dylid pwysleisio mai'r unig reswm y gwaneth hyn oedd er mwyn gallu talu ei rhent.<ref name="Summers">Summers, td. 58</ref> Rhoddodd gyfweliad lle esboniodd y rhesymau pam y modelodd yn noeth, ac o ganlyniad cafodd rhyw faint o gydymdeimlad wrth y cyhoedd.<ref name="Summers" />

Ymddangosodd am y tro cyntaf ar glawr cylchgrawn ''[[Life (cylchgrawn)|Life]]'' ym misyn Ebrill 1952, lle cafodd ei disgrifio fel "The Talk of Hollywood".<ref>Evans, td. 112</ref> Portreadodd yr hanesion am ei phlentyndod hi mewn ffordd gadarnhaol; dangosodd stori flaen rhifyn mis Mai 1952 o'r cylchgrawn ''True Experiences'' lun iachus o Monroe yn gwenu gyda'r pennawd "Do I look happy? I should — for I was a child nobody wanted. A lonely girl with a dream — who awakened to find that dream come true. I am Marilyn Monroe. Read my Cinderella story." <ref>Evans, td. 128-129</ref> Yn ystod y cyfnod hwn hefyd dechreuodd ganlyn y chwaraewr [[pêl-fas]] Joe DiMaggio. Argraffwyd llun o DiMaggio yn ymweld â Monroe yn stiwdios 20th Century Fox studio, mewn [[papur newydd|papurau newydd]] ledled yr Unol Daleithiau, a datblygodd ddiddordeb ym Monroe yn sgîl eu perthynas.<ref>Summers, td. 67</ref>

[[Delwedd:Marilyn Monroe and Keith Andes in Clash by Night trailer.jpg|bawd|chwith|Monroe gyda Keith Andes yn ''Clash by Night'']] Dros y misoedd canlynol, rhyddhawyd pedair ffilm yn serennu Monroe. Cafodd Monroe ei rhoi ar fenthyciad i Stiwdios RKO er mwyn ymddangos mewn rôl cefnogol yn Clash by Night, drama Barbara Stanwyck, a gyfarwyddwyd gan Fritz Lang.[27] Rhyddhawyd y ffilm ym mis Mehefin 1952, a bu'n llwyddiant ymysg cynulleidfaoedd. Dilynwyd y ffilm hon gan y comedi ''We're Not Married'' a'r ddrama ''Don't Bother to Knock'' ym mis Gorffennaf. Roedd''We're Not Married'' yn portreadu Monroe fel cystadleuydd mewn cystadleuaeth prydferthwch, a thra bod cylchgrawn Variety yn disgrifio'r ffilm fel "lightweight", dywedodd yr adolygwr eu bod wedi manteisio ar yr olygfa o Monroe mewn gwisg nofio, er fod elfen o ecsploitio yno. Yn ''Don't Bother to Knock'', chwaraeoedd Monroe y brif ran, fel gwraig a oedd yn gofalu am blentyn ond sy'n bygwth ymosod ar y plentyn yn ei gofal. Derbyniodd y ffilm adolygiadau negyddol, er ei fod yn cynnwys peth o'i sgiliau actio mwyaf dramatig.<ref>Riese and Hitchens, td. 132</ref> Rhyddhawyd ''Monkey Business'', comedi a gyfarwyddwyd gan Howard Hawks, ac a oedd yn serennu [[Cary Grant]] a [[Ginger Rogers]] ym mis Medi a bu'n lwyddiant masnachol er gwaetha'r adolygiadau negyddol.<ref>Riese and Hitchens, td. 336</ref>

Er bod y ffilm yn lwyddiant, a pherfformiad Monroe yn derbyn adolygiadau cadarnhaol, weithiau byddai ei hymddygiad mewn digwyddiadau i hyrwyddo'r ffilm yn denu sylwadau negyddol. Beirniadawyd ei hymddangosiad yn seremoni gwobrwyo Photoplay mewn ffrog lamé euraidd. Dyfynnwyd [[Joan Crawford]] yn ngholofn papur newydd Louella Parsons yn trafod "fwlgareiddiwch" Monroe a chan ddisgrifio'i hymddygiad fel ymddygiad cwbl anaddas "i actores ac i wraig."<ref>Churchwell, td. 234</ref> Cafodd ei beirniadau hefyd am wisgo ffrog gyda'r gyddflin lawr i'w bogail bron, pan oedd yng Ngorymdaith Miss America ym mis Medi 1952.[37] Ymddangosodd ffotograff o'r digwyddiad hwn ar glawr ''[[Playboy (cylchgrawn)|Playboy]]'' ym misyn Rhagfyr 1953, gyda llun noeth ohoni (a dynnwyd ym 1949) y tu fewn y cylchgrawn.<ref>Summers, td.59</ref>

[[Delwedd:Marilyn Monroe in Gentlemen Prefer Blondes trailer.jpg|bawd|chwith|Monroe yn perfformio "Diamonds Are a Girl's Best Friend" yn ''Gentlemen Prefer Blondes'' (1953)]] Ei ffilm nesaf oedd ''Gentlemen Prefer Blondes'' (1953) a gyfarwyddwyd gan Howard Hawks ac a oedd yn serennu Jane Russell. Chwaraeodd Monroe ran Lorelei Lee, merch sioe ariangar, ac roedd angen iddi ganu a dawnsio. Daeth Monroe a Russell yn ffrindiau, gyda Russell yn disgrifio Monroe fel "very shy and very sweet and far more intelligent than people gave her credit for".<ref>Russell, td. 137</ref> Yn ddiweddarach, dywedodd yr arferai Monroe ddangos ei hymroddiad drwy ymarfer ei symudiadau dawns bob nos wedi i'r criw adael, ond yr oeddroedd yn aml yn hwyr ar y set ar gyfer ffilmio. Wrth sylweddoli fod Monroe yn aros yn ei hystafell newid oherwydd ofn perfformio, ac am fod Hawks yn mynd yn ddiamynedd gyda'r diffyg prydlondeb, dechreuodd Russell ei hebrwng i'r set.<ref>Russell, td. 138</ref>