Nod '''ffilm arswyd''' yw ceisio codi [[ofn]] ac arswyd ar y gwylwyr. Mae eu lliynnau stori yn aml yn gwirdroi o amgyclh [[marwolaeth]], y [[goruwchnaturiol]] neu [[salwch meddyliol]]. Gan amlaf, mae gan ffilmiau arswyd un dihiryn canolog i'r ffilm. Seiliwyd nifer o'r ffilmiau arswyd cynharaf ar [[llenyddiaeth glasurol|lenyddiaeth]] [[Clasur|glasurol]] o'r genre [[ffilm gothig|gothig]]/arswyd megis ''[[Dracula]]'', ''[[Frankenstein]]'', ''[[The Wolf Man]]'', ''[[Phantom of the Opera]]'' a ''[[Dr. Jekyll and Mr. Hyde]]''. Mae ffilmiau mwy diweddar fodd bynnag yn dwyn eu hysbrydoliaeth o ansicrwydd bywyd ar ôl yr [[Ail Rhyfel Byd]], gan greu tair is-genre unigryw ond cysylltiedig: arswyd-personoliaeth y ffilm ''[[Psycho (ffilm)|Psycho]]'', arswyd [[armagedon]] ''[[Invasion of the Bodysnatchers (ffilm)|Invasion of the Bodysnatchers]]'' ac arswyd ellyllon y ffilm ''[[The Exorcist (ffilm)|The Exorcist]]''. Gellir ystyried yr is-genre olaf fel moderneiddiad o'r ffilmiau arswyd cynharaf, am eu bod yn ehangu ar y syniad o'r ofn y gall pŵerau goruwchnaturiol ddod i'r byd.
Mae'r holl prifbrif stiwdios ffilmiau a nifer o [[cyfarwyddwr|gyfarwyddwyr]] uchel eu parch, gan gynnwys [[Alfred Hitchcock]], [[Roman Polanski]], [[Stanley Kubrick]], [[William Friedkin]], [[Richard Donner]], [[Francis Ford Coppola]], a [[George Romero]] i gyd wedi cynhyrchu ffilmiau yn y genre hwn. Mae rhai ffilmiau arswyd yn cynnwys elfennau o genres eraill megis [[gwyddonias]], [[ffantasi]], rhaglenni dogfen ffug, comedi tywyll a ffilmiau cyffro.
