Tremadog: Gwahaniaeth rhwng fersiynau

Pentref ar gyrion [[Porthmadog]], [[Gwynedd]] yw '''Tremadog'''. Yn anarferol, mae cynllun pendant i'r pentref: fe'i sefydlwyd gan [[William Madocks]], wedi iddo brynu'r tir ym [[1798]]. Cwblhawyd canol y [[pentref]] ym [[1811]], ac ychydig iawn mae o wedi newid ers hynny. Mae sawl adeilad o ddiddordeb pensaerniol yn y pentref, gan gynnwys Capel Peniel, a adeiladwyd ar batrwm teml Roegaidd. Bwriad Maddocks oedd i Dremadog fod yn dref lawer iawn yn fwy, ac yn ganolbwynt masnachol. Bwriadodd hefyd i'r dref fod yn fan aros i gerbydau oedd ar eu ffordd i [[Porth Dinllaen|Borth Dinllaen]] ac [[Iwerddon]]. Ond nid felly y bu, gan i [[Caergybi|Gaergybi]] gymryd lle Porth Dinllaen yn brif borthladd. Wedi adeiladu'r Cob, fe dyfodd Porthmadog yn hytrach na Thremadog, a phentref cymharol fach yw Tremadog hyd heddiw.