Llid y bledren

Llid (neu inflimation) ar y bledren ydy llid y bledren (Sa: cystitis) sy'n effeithio merched yn fwy na dynion, a hynny ym mhob grwp oedran. Yr hyn sy'n ei achosi yw bacteria'n heintio'r bledren neu'r iwrethra neu wrethra sef y tiwb sy’n cario’r iwrin allan o’r corff. Mae'n anhwylder anghyfforddus gyda'r claf yn teimlo ei fod am wneud dŵr o hyd. Gall yr iwrin fod yn gymylog ac yn ddrewllyd, neu fe all gynnwys ychydig o waed. Nid yw'n haint difrifol iawn y dyddiau hyn.

Mae'n bosibl iddo gael ei achosi drwy gyfathrach rhywiol rhy egniol. Mae ymlediad bacteria o'r anws hefyd yn medru ei achosi, felly er mwyn ei osgoi awgrymir fod merched yn sychu eu tinau o'r ffrynt i'r cefn ar ôl ysgarthu, rhag gwthio'r bacteria i'r iwrethra.

Triniaeth confensiynol

Defnyddir gwrthfeiotig i'w drin.

Meddygaeth amgen

Defynyddir y planhigion canlynol i wella llid y bledren: bergamot, perllys, pig yr Aran a sandalwydd a chymeradwyir yfed sudd llugaeron (cranberry) a digon o ddŵr.

Gweler hefyd

• Rhestr o afiechydon a phlanhigion gyda rhinweddau meddygol

Cyfeiriadau

Eginyn erthygl sydd uchod am iechyd. Gallwch helpu Wicipedia drwy ychwanegu ato