Oum Er-Rbia: Gwahaniaeth rhwng fersiynau

[[Afon]] ail fwyaf [[Moroco]] gyda hyd o 600 km yw'r '''Oum Er-Rbia''' (ceir sawl amrywiad ar sillafiad yr enw yn y wyddor Rufeinig, yn cynnwys '''Oum Errabiaa''', '''Oum Er R'bia''' ac '''Oum Er-Bia''').

Gorwedd tarddle'r afon yn yr [[Atlas Canol]] tua 40 km o dref [[Khénifra]] a 26 km o M'rirt, yn ''commune'' wledig Oum Errabiaa. Ar ôl llifo am 600 km ar draws y wlad i gyfeiriad y gorllewin mae'n [[aber]]u yng [[Cefnfor Iwerydd|Nghefnfor Iwerydd]] ynger dinas fechan [[Azemmour]] (rhanbarth Abda-Doukkala, [[Grand Casablanca]]).

Ystyr yr enw '''Oum Er-Rbia''' yw "Mam y Gwanwyn" am fod yr afon yn llenwi â dŵr o'r [[eira]] toddedig oddi ar [[Mynyddoedd yr Atlas]] yn y gwanwyn ac yn gorlifo i ffrwythloni'r tir. Mae gan yr afon hon le arbennig yn hanes a thraddodiad y [[Maghreb]] am fod y cadfridog [[Oqba binibn Nafi]] wedi arwain ei fyddin [[Islam]]aidd ar hyd ei glannau i gyrraedd Cefnfor Iwerydd ar ddechrau'r [[680au]] ac agor pennod newydd yn hanes Moroco a'r Maghreb. Mae'r nofel ''La Mère du Printemps'' gan yr awdur [[Driss Chraïbi]], a aned ger glannau'r afon, yn seiliedig ar yr hanes a'r effaith a gafodd ar ddiwylliant y [[Berberiaid]].

[[Categori:Afonydd Moroco|Er-Rbia]]