Ganed ef i deulu Cymreig yn [[Lerpwl]], ond sumudoddsymudodd y teulu i ddinas [[Bangor]] pan oedd yn ieuanc. Collodd ei fam a'i dad cyn bod yn naw oed, a magwyd ef gan deulu ei fanfam yn [[y Bala]]. Aeth i [[Prifysgol Aberystwyth|Brifysgol Aberystwyth]] i astudio Saesneg ac yna i [[Coleg y Drindod, Caergrawnt|Goleg y Drindod, Caergrawnt]].<ref name="ReferenceA"/>
Bu'n athro ysgol yn [[Llandysul]], [[Aberhonddu]] a [[Caerdydd|Chaerdydd]]. Yn [[1930]] penodwyd ef yn ddarlithydd annibynnol yn adran Hanes Cymru ym Mangor. Yn [[1938]] daeth yn olygydd cynorthwyol ''[[Y Bywgraffiadur Cymreig]]'', a phan fu farw Syr [[John Edward Lloyd]] yn [[1947]] daeth yn gyd-olygydd â Syr [[William Llewelyn Davies]]. Cyhoeddwyd y fersiwn Cymraeg o'r ''Bywgraffiadur'' yn [[1953]] a'r fersiwn Saesneg yn [[1959]]. Dyfarnwyd gradd D.Litt. Prifysgol Cymru iddo yn [[1939]] a LL.D. honoris causa (Cymru) yn 1956. Daeth yn Athro yn yr Adran Hanes yn [[1945]].<ref name="ReferenceA"/>
Ysgrifennodd rai storïau byrion a ''Ffynhonnau Elim'' dan yr enw Idris Thomas.<ref name="ReferenceA"/>
