Luciano Pavarotti: Gwahaniaeth rhwng fersiynau

Ganed Luciano Pavarotti ar gyrion [[Modena]] yng ngogledd [[yr Eidal]]. Roedd y teulu yn dlawd, ond roedd ei dad yn ganwr dawnus ac yn berchen recordiau o ganu [[tenor]]iaid megis [[Beniamino Gigli]], [[Giovanni Martinelli]], [[Tito Schipa]] a [[Enrico Caruso]]. Bu'n canu yng nghôr yr eglwys leol, ac yn [[1954]] dechreuodd gymeryd gwersi cerddorol. Yn [[1955]] roedd yn aelod o gôr lleol o Modena a ddaeth i gystadlu yn [[Eisteddfod Ryngwladol Llangollen]]. Enillodd y côr, a rhoddodd hyn ysgogiad iddo droi yn ganwr proffesiynol. Rhoddodd ei berfformiad opera cyntaf ar [[29 Ebrill]], [[1961]] fel Rodolfo yn ''[[La bohème]]'', yn [[Reggio Emilia]].

Aeth ymlaen i ddod yn un o ganwyr mwyaf adnabyddus y byd. Daeth yn enwog ymhell tu hwnt i fyd opera, yn enwedig wedi [[Cwpan Peldroed y Byd Pêl-droed 1990]] a gynhaliwyd yn yr Eidal yn [[1990]]. Pavarotti yn canu aria [[Giacomo Puccini]], "Nessun Dorma" o'r opera ''[[Turandot]]'' oedd thema'r gystadleuaeth, a chynhaliodd gyngerdd "Y Tri Tenor" yn [[Rhufain]] gyda [[Plácido Domingo]] a [[José Carreras]].