Dirwasgiad Mawr: Gwahaniaeth rhwng fersiynau

Dechreuodd yn yr [[Unol Daleithiau]] ac ymledodd yn gyflym i [[Ewrop]] a phob rhan o'r byd bron, gyda chanlyniadau ysgytwol yn y gwledydd [[diwydiant|diwydiannol]] ynghyd â'r gwledydd a ddibynnai arnynt i [[allforio]] [[nwyddau crai]]. Aeth [[masnach ryngwladol]] i lawr yn gyflym, yr un modd ag enillion personol, refeniw o [[treth|drethi]], [[pris]]iau ac [[elw]]. Tarwyd nifer o ddinasoedd ledled y byd, yn enwedig y rhai a ddibynnai ar ddiwydiant trwm. Daeth gwaith adeiladu i ben bron mewn nifer o wledydd. Dioddefodd [[ffermio]] ac ardaloedd gwledig yn ogystal wrth i brisiau cnydau gwympo rhwng 40 i 60 y cant. Gwelwyd yr effaith yn arbennig o drwm ar y [[diwydiant glo]] a [[mwyngloddio]] wrth i'r alwad am eu cynnyrch ddisgyn yn sylweddol iawn a chan nad oedd dewis gwaith amgen i'r rhan fwyaf o'r gweithwyr.

Sefydlwyd rhaglenni cymorth ac adnewyddu gan nifer o wledydd ond un canlyniad o'r argyfwng economaidd oedd yr ansefydlogrwydd gwleidyddol a ddaeth yn ei sgîl, gyda thyfiant mawr mewn pleidiau [[asgell dde|asgell dde]] ac [[asgell chwith]] eithafol, streiciau, protestiadau, a rhyfeloedd cartref. Roedd seiliau [[democratiaeth]] dan fygythiad a gwelwyd [[unben]]iaid fel [[Hitler]], [[Stalin]], [[Francisco Franco|Franco]] a [[Benito Mussolini|Mussolini]] yn tyfu mewn grym a [[gwleidyddiaeth]] y byd - yn arbennig yn Ewrop - yn polareiddio, gan osod y llwyfan ar gyfer yr [[Ail Ryfel Byd]] yn [[1939]].

=== Gweler hefyd ===

[[mk:Големата криза од 1929]]