Dyn Hysbys: Gwahaniaeth rhwng fersiynau

'''Dyn Hysbys''' (''soothsayer'' neu ''cunning man'' yn Saesneg) yw'r enw traddodiadol yn y Gymraeg am gonsuriwr, [[dewin]] neu swynwr. Er y gellir ei gymhwyso at berson o'r fath mewn unrhyw ddiwylliant mae'r erthygl hon yn ymwneud â hanes y 'Dyn Hysbys' yng [[Cymru|Nghymru]].

Diau fod rhai Dynion Hysbys yn barod i fanteisio ar ofnau ac ofergoelion y werin er eu mantais ariannol eu hunain, ond yn gyffredinol roedd gan y Dyn Hysbys swyddogaeth bwysig yn y gymdeithas werinol. Fel 'dewin' roedd yn honni medru rhagweld y dyfodol ac felly ymgynghoriymgynghorai pobl ag ef ynghylch cariad a marwolaeth a phenderfyniadau o bob math. Ond ymddengys mai prif weithgarwch y Dyn Hysbys oedd fel meddyg traddodiadol, yn ceisio gwella cleifion dynol ac anifeiliaid fel ei gilydd trwy ei wybodaeth o'r [[llysiau rhinweddol]]. Byddai'n atgyfnerthu hynny yn aml gyda swynion amddiffynnol, fel rheol ar ffurf rhyw weddi Lladin neu eiriau hud wedi eu hysgrifennu ganddo ar ddarn o bapur. Defnyddiai hefyd yr [[abracadabra]] ac arwyddion y [[Sidydd]].<ref>Kate Bosse Griffiths, ''Byd y Dyn Hysbys'' (Y Lolfa, 1977). Penodau IV a V.</ref>