[[Bardd]], dramodydd ac eisteddfodwr o fri oedd '''Albert Evans-Jones''', sy'n fwy adnabyddus wrth ei [[enw barddol]] '''Cynan''' ([[14 Ebrill]] [[1895]] - [[26 Ionawr]] [[1970]]).
==Bywyd Cynnar==
Cafodd Cynan ei eni ym [[Pwllheli|Mhwllheli]], yn fab i Richard Albert Jones a Hannah Jane (née Evans) roedd ei dad yn berchennog bwyty yn y dre. Cafodd ei addysg yn Ysgol Ramadeg Pwllheli a Choleg Prifysgol Gogledd Cymru, lle y graddiodd ymyn 1916<ref>Y Bywgraffiadur ar-lein [http://yba.llgc.org.uk/cy/c4-JONE-EVA-1895.html?query=Cynan&field=name]</ref>
==Rhyfel Byd Cyntaf==
Ar ôl graddio ymunodd Cynan aâ Chwmni Cymreig y Corfflu Meddygol gan wasanaethu yn Salonica a Ffrainc , yn wreiddiol fel dyn ambiwlans ac yna fel caplan y cwmni.<ref>Breuddwyd Cymro Mewn Dillad Benthyg RR Williams Gwasg y Brython 1964</ref> Cafodd ei brofiadau o ryfel effaith dwys ar ei ganu, i'r fath raddau fod Alan Llwyd yn honni mai Cynan, nid [[Hedd Wyn]] yw prif fardd rhyfel Cymru o gyfnod y Rhyfel Byd Cyntaf. Canodd Hedd Wyn ei gerddi sydd yn ymwneud â'r rhyfel cyn iddo ymrestru, a bu farw yn y gyflafan cyn iddo gael cyfle i ganu am yei profiadabrofiadau o fod ynfel filwrmilwr, ond gan Gynan y ceir y disgrifiadau mwyaf cignoeth o erchyllterau'r Rhyfel, ac effaith rhyfela ar gorff yn ogystal ag ysbryd dyn.<ref>Gwaedd y Bechgyn; Gol Alan Llwyd & Elwyn Edwards Cyhoeddiadau Barddas 1989</ref>
