Y Byd Mwslemaidd: Gwahaniaeth rhwng fersiynau
Tudalen newydd: Mae'r termau '''y Byd Mwslemaidd''' a'r '''Byd Islamaidd''' yn cyfeirio at y gymuned fyd-eang o ddilynwyr grefydd Islam. Mae tua 1.4—1.6 biliwn o Fwslemiaid... |
(Dim gwahaniaeth)
|
Fersiwn yn ôl 21:48, 6 Rhagfyr 2006
Mae'r termau y Byd Mwslemaidd a'r Byd Islamaidd yn cyfeirio at y gymuned fyd-eang o ddilynwyr grefydd Islam. Mae tua 1.4—1.6 biliwn o Fwslemiaid (rhai sy'n credu yn Islam) yn y byd. Ehangodd y Byd Mwslemaidd dros y blynyddoedd wrth i Islam lledaenu o'r Dwyrain Canol a Gogledd Affrica i weddill yr Affrig, Canolbarth Asia, isgyfandir India ac ynysfor Indonesia. O ganlyniad i allfudo, ceir cymunedau sylweddol o Fwslemiaid yn ninasoedd y Byd Gorllewinol, ond ni ystyrir rhain yn rhan o Fyd Islam.[1]
Byd Islam yng ngwleidyddiaeth gyfoes
Yn ystod yr ugeinfed ganrif, cynyddodd bresenoldeb y Byd Gorllewinol yn, a'i ddylanwad ar, y Byd Mwslemaidd. Mae union effeithiau'r Gorllewin yn dadleuol, ond dywedir bod globaleiddio, rhyfeloedd, defnyddio olew,[2] statws gwledydd Islamaidd fel gwledydd y Trydydd Byd,[2] a ffurfiad Gwladwriaeth Israel[1] i gyd wedi cael effeithiau negyddol ar y Byd Mwslemaidd. Mae'r digwyddiadau yma wedi cyfrannu'n sylweddol at derfysgaeth gan Fwslemiaid ar ddiwedd yr ugeinfed ganrif a dechrau'r unfed ganrif ar hugain (er bod agweddau eraill: gweler ffwndamentaliaeth Islamaidd a terfysgaeth eithafol Islamaidd). Hefyd yn y ddwy ganrif hyn, bu allfudiad o Fwslemiaid i wledydd y Gorllewin, sydd wedi cael effeithiau amrywiol ar y berthynas rhyngddynt a Gorllewinwyr.