Anastasius I (ymerawdwr)

Ymerawdwr Bysantaidd rhwng 491 a 518 oedd Flavius Anastasius neu Anastasius I, hefyd Anastasios I, Groeg: Αναστάσιος Α', (c. 430 - 9 Gorffennaf, 518).

Anastasius I
Ganwyd430 Edit this on Wikidata
Durrës Edit this on Wikidata
Bu farw9 Gorffennaf 518 Edit this on Wikidata
Caergystennin Edit this on Wikidata
Dinasyddiaethyr Ymerodraeth Fysantaidd Edit this on Wikidata
Galwedigaethgwleidydd, teyrn Edit this on Wikidata
SwyddYmerawdwr Bysantaidd, seneddwr Rhufeinig Edit this on Wikidata
PriodAriadne Edit this on Wikidata
LlinachLlinach Leo Edit this on Wikidata

Ganed Anastasius yn Dyrrhachium, rywbryd cyn 430. Roedd ganddo un llygad du ac un llygad glas, ac felly gelwid ef yn Dicorus (Groeg: Δίκορος).

Pan fu farw'r ymerawdwr Zeno yn 491, roedd Anastasius yn dal swydd silentiarius yn y llys. Dewisodd gweddw Zeno, yr ymerodres Ariadne, ei briodi, a thrwy hynny ei wneud yn ymerawdwr. Bu raid iddo ymladd yn erbyn cefnogwyr Longinus o Cardala, brawd Zeno, ac yn erbyn y Persiaid; wedi brwydro hir, gwnaed cytundeb heddwch a'r Persiaid yn 506. Roedd hefyd fygythiad yn y Balcanau oddi wrth y Slafiaid a'r Bwlgariaid, ac adeiladodd yr ymerawdwr Fur Anastasius i amddiffyn dinas Caergystennin.

O ran diwinyddiaeth, roedd Anastasius yn ddilynwr monoffisiaeth, a daeth yn amhoblogaidd yn rhai o rannau gorllewinol yr ymerodraeth o ganlyniad. Ail-drefnodd system ariannol yr ymerodraeth yn 498; dan y system newydd roedd tri darn aur gwahanol, y solidus, hanner solidus a thraean solidus, a phum darn arian copr, y follis a thannau o follis. Ar ddiwedd ei deyrnasiad, roedd trysorfa'r ymerodraeth yn gyfoethocach o 320,000 pwys o aur.

Nid oedd ganddo blant, ac olynwyd ef gan Justinus I.