Arthur Boucher
Roedd Arthur William Boucher (29 Mehefin, 1870 – 25 Ebrill, 1948) yn flaenwr rygbi rhyngwladol a chwaraeodd rygbi clwb i Gasnewydd a rygbi gwahoddiad i'r Barbariaid. Chwaraeodd mewn 13 o gemau rhyngwladol i Gymru.
| |||
| Dyddiad geni | 29 Mehefin 1948 | ||
|---|---|---|---|
| Man geni | Gobowen, Swydd Amwythig, | ||
| Dyddiad marw | 25 Ebrill 1948 (77 oed) | ||
| Lle marw | Dinas Powys Sir Forgannwg | ||
| Taldra | 5' 11½ " | ||
| Pwysau | 12 st 9 lb | ||
| Ysgol U. | Ysgol Clytha, Casnewydd | ||
| Gwaith | Clerc rheilffordd Rheolwr allforio glo | ||
| Gyrfa rygbi'r undeb | |||
| Gyrfa'n chwarae | |||
| Safle | Blaenwr | ||
| Clybiau amatur | |||
| Blynyddoedd | Clwb / timau | ||
| 1889–1899 1892–1893 |
Casnewydd Y Barbariaid | ||
| Timau cenedlaethol | |||
| Blynydd. | Clybiau | Capiau | |
| 1882–1897 |  Cymru
|
13 | (3) |
Cefndir golygu
Ganwyd Boucher yn Gobowen, Swydd Amwythig yn blentyn i Charles Boucher, gweinyddwr cwmni rheilffordd ac Emilie (née Davies) ei wraig. Roedd y tad yn hanu o Rydychen a'r fam o Wrecsam. Ym 1871 symudodd y teulu i Gaerfaddon ac ym 1874 setlodd y teulu yng Nghasnewydd. Cafodd Boucher ei addysgu yn Ysgol Clytha, Casnewydd.
Gyrfa golygu
Wedi ymadael a'r ysgol yn 15 mlwydd oed aeth Boucher i weithio fel clerc cyffredinol i gwmni Great Western Railways yn eu swyddfa yng Nghaerdydd ym 1885. Ym 1888 cafodd dyrchafiad i fod yn glerc nwyddau'r cwmni yng Nghasnewydd.[1] Ymadawodd a'r rheilffyrdd ym 1892 i weithio i gwmni allforio glo fel clerc ac wedyn fel rheolwr.
Gyrfa Rygbi golygu
Gyrfa clwb golygu
Dechreuodd Boucher ei yrfa rygbi fel blaenwr i dîm Casnewydd yn nhymor 1889/90 [2] gan chware i'r tîm am ddegawd gan gynnwys gwasanaethu fel capten am dri thymor. Roedd yn rhan o dîm di guro 1891/92 ar y cyd ag Arthur Gould. Yn ogystal â chware rygbi i Gasnewydd bu Boucher a Gould yn chwaraewyr amlwg yn nhîm criced y dref.[3]
Wedi rhoi'r gorau i chwarae bu Boucher yn parhau a'i gysylltiad â rygbi trwy wasanaethu fel is lywydd Clwb rygbi Dinas Powys.[4] Bu hefyd yn un o sylfaenwyr Clwb Badminton Dinas Powys.[5]
Gyrfa ryngwladol golygu
Dewiswyd Boucher i chwarae i Gymru am y tro cyntaf ar 2 Ionawr 1892 yn erbyn Lloegr.[6] Daethpwyd ag ef i mewn gyda chyd-flaenwr Casnewydd, Wallace Watts, a dewiswyd y ddau i chwarae yn yr un garfan ddeng waith. Cafodd tîm Cymru eu curo’n gadarn gan Loegr, gan fethu ag ennill unrhyw un o’r gemau ym Mhencampwriaeth y tymor hwnnw. Y tymor nesaf chwaraeodd Boucher rhan wrth i Gymru ennill y Goron Driphlyg am y tro cyntaf. Erbyn 1897 roedd wedi ennill 13 cap. Yn ei gêm olaf i Gymru yn erbyn Lloegr, sgoriodd Boucher ei unig gais dros ei wlad. Oherwydd yr anghydfod am roi tysteb i Arthur Gould, oedd yn cael ei ystyried fel tâl am chwarae gêm amatur gan rai, ni chwaraeodd Cymru unrhyw gemau pellach y tymor hwnnw.[7]
Gemau rhyngwladol golygu
Cymru
Teulu golygu
Priododd Boucher â Frances Claribel Heard ym 1902 cawsant fab a dwy ferch. Roedd Grace, ei ferch gyntaf, yn fam i'r awdur llyfrau plant Dick King-Smith.
Marwolaeth golygu
Bu farw yn Ninas Powys yn 77 mlwydd oed.
Cyfeiriadau golygu
- ↑ Yr Archif Genedlaethol, Llundain Cofnodion Staff y Great Western Railway Company: Cyfeirnod: RAIL264/7
- ↑ "TOMORROW'S FOOTBALL - South Wales Echo". Jones & Son. 1889-09-20. Cyrchwyd 2020-08-31.
- ↑ "CRICKET - South Wales Daily News". David Duncan and Sons. 1890-05-12. Cyrchwyd 2020-08-31.
- ↑ "FOOTBALL PROSPECTS AT DINAS POWIS - Barry Dock News". South Wales Advertising, Printing, and Publishing Company. 1908-08-21. Cyrchwyd 2020-08-31.
- ↑ "BADMINTON CLUB FOR DINAS POWIS - Evening Express". Walter Alfred Pearce. 1909-10-19. Cyrchwyd 2020-08-31.
- ↑ "International Match - South Wales Echo". Jones & Son. 1892-01-02. Cyrchwyd 2020-08-31.
- ↑ "GOULD TESTIMONIAL - The Western Mail". Abel Nadin. 1897-03-15. Cyrchwyd 2020-08-31.