Baner Brasil
Mabwysiadwyd baner Brasil ar 12 Mai 1992. Mae'r sêr yn cynrychioli gwahanol daleithiau Brasil. Dyma'r fersiwn gyfredol o'r faner sydd wedi gweld sawl mân newid dros y degawdau - prin byddai'r gwyliwr lleyg yn gweld y gwahaniaethau o'r rhai blaenorol.
.svg)
Mabwysiadwyd y dyluniad wreiddiol, gyda 21 seren, ar 19 Tachwedd 1889. Cynyddwyd nifer y sêr i 22 yn 1960, i 23 yn 1968 ac i 27 yn 1992. Y cyfrannau gyfredol ar gyfer siâp y faner yw 7:10.
O 15 Tachwedd i 19 Tachwedd 1889, defnyddiwyd y faner weriniaethol gyntaf fel y faner genedlaethol - dyma oedd y cyfnod pan symudodd y wlad o fod yn Ymerodraeth i fod yn Weriniaeth.
Hanes golygu
Mae naner gyfredol Gwerinaieth Brasil wedi ei seilio ar faner gynharach Ymerodraeth Brasil gan addasu'n fras ond cadw'r un lliw a siâp. Roedd y gwyrdd yn y fersiwn Ymerodraethol yn cynrychioli Tŷ Braganza, Pedro I, Ymerawdwr gyntaf Brasil, tra bod y melyn yn cynrychioli Tŷ Habsburg ei wraig, yr Ymerodraethes Maria Leopoldina.[1] Dyluniwyd y faner gan Raimundo Teixeira Mendes. Daeth y cylch glas gyda sêr bum-bwynt gwyn i ddisodli arfbais Ymerodraeth Brasil gyda'r sêr yn cynrychioli taleithiau'r wlad gan ddiweddaru ac ychwanegu fel bod angen. Ysbrydolwyd yr arwyddair Ordem e Progresso gan arwyddair bositifaidd Auguste Comte: "L'amour pour principe et l'ordre pour sylfaen; le progrès pour but" ("Caru fel egwyddor a threfn fel sail; cynnydd fel y nod").[2] Defnyddiwyd sêr ar y faner ymerodraethol er mwyn dynodi nifer y taleithiau - fel a gwneir ar faner yr UDA a sawl baner arall, bellach.
Oriel Baner Hanesyddol Brasil golygu
-
Baner Teyrnas Unedig Portiwgal, Brasil a'r Algarve (1816–1821) -
![Baner Teyrnas Brasil (1815–1822; tybiedig)[3]](//upload.wikimedia.org/wikipedia/commons/thumb/e/e3/Flag_of_Kingdom_of_Brazil.svg/120px-Flag_of_Kingdom_of_Brazil.svg.png)
Baner Teyrnas Brasil (1815–1822; tybiedig)[3] -
Baner Teyrnas annibynnol Brasil (18 Medi – 1 Rhagfyr 1822) -
Baner dros dro Gweriniaeth Taleithiau Unedig Brasil (15 Tachwedd – 19 Tachwedd 1889) -
Baner gyntaf Gweriniaeth Ffederasiwn Brasil gyda 21 seren (1889–1960), ceir belach 27 seren
![Baner Teyrnas Brasil (1815–1822; tybiedig)[3]](/wiki/Delwedd:Flag_of_Kingdom_of_Brazil.svg)
.svg)
.svg)
Protocol golygu
Dim ond yn llorweddol y gellir chwifio baner Brasil. 'Diwrnod y Faner' yw 19 Tachwedd. Dyna pryd y llosgir han faneri sydd wedi eu treilio wrth chwifio y tu allan i swyddfeydd neu adeiladau sifil a chenedlaethol. Rhaid eu llosgi mewn canolfan filwrol.
Baneri Swyddogol Eraill golygu
-
Baner Jac Morwrol -
Baner yr Arlywydd -
Baner yr Is-Arlywydd -
Baner Gweinidog Amddiffyn
.svg)
Sêr baner Brasil golygu
Fel sawl gwlad arall, mae Brasil yn defnyddio sêr i gynrychioli taleithiau neu siroedd mewnol y wlad ar ei baner. Yn wahanol i bob gwlad arall mae gan leoliad a maint y sêr ystyr neu symboliaeth wrth eu lleoli ar y faner.
Mae'r cylch canolog yn cynrychioli'r awyr dros Rio de Janeiro (prifddinas y wlad ar y pryd) am 8.30 a.m. bore bore 15 Tachwedd 1889, dyddiad cyhoeddi'r Weriniaeth. Mae'r 27 seren yn cyfateb i'r cytserau Procyon (α Canis Minoris), Canis Major, Canopus (α Carinae), Spica (α Virginis), Hydra, Crux, Sigma Octantis (σ Octantis, Seren y Pole De), Triangulum Australe Scorpius. Mae pob un o'r 26 seren yn cynrychioli talaith y Ffederasiwn ac mae'r 27ain seren yn cynrychioli'r Ardal Ffederal.
Mae'r band crwm yn cynrychioli llinell y cyhydedd, ac mae'r arwyddair cenedlaethol yn ymddangos arno: "Ordem e Progresso" ("trefn a datblygiad"). Mae'r cefndir gwyrdd a'r rhombws melyn yn cynrychioli'r adnoddau coedwig a mwynau.
Sêr - Cynrychiolaeth Taleithiau golygu
Mae nifer y sêr yn gallu amrywio gyda cynnydd (neu leihâd) yn nifer taleithiau Brasil. Caent eu dosbarthu yn ôl gwahanol cytser sydd yn y ffurfafen. Dyma'r sêr sy'n cynrychioli taleithiau Brasil (ac eithrio Sigma Octantis sy'n cynrychioli'r Ardal Ffederal):
| Talaith | Seren | Cytser | Maint (1=largest) |
Talaith creu |
Seren ychwanegu |
|---|---|---|---|---|---|
| Amazonas | Alpha Canis Minoris (Procyon) | Canis Minor, y Ci Bach | 1 | 1889 | 1889 |
| Mato Grosso | Alpha Canis Majoris (Sirius) | Canis Major, y Ci Mawr | 1 | 1889 | 1889 |
| Amapá | Beta Canis Majoris (Mirzam) | Canis Major, y Ci Mawr | 2 | 1991 | 1992 |
| Rondônia | Gamma Canis Majoris (Muliphen) | Canis Major, y Ci Mawr | 4 | 1982 | 1992 |
| Roraima | Delta Canis Majoris (Wezen) | Canis Major, y Ci Mawr | 2 | 1991 | 1992 |
| Tocantins | Epsilon Canis Majoris (Adhara) | Canis Major, y Ci Mawr | 3 | 1989 | 1992 |
| Pará | Alpha Virginis (Spica) | Virgo, y Gwiryf | 1 | 1889 | 1889 |
| Piauí | Alpha Scorpii (Antares) | Scorpius, y Scorpion | 1 | 1889 | 1889 |
| Maranhão | Beta Scorpii (Graffias) | Scorpius, y Scorpion | 3 | 1889 | 1889 |
| Ceará | Epsilon Scorpii (Larawag)[4] | Scorpius, y Scorpion | 2 | 1889 | 1889 |
| Alagoas | Theta Scorpii (Sargas) | Scorpius, y Scorpion | 2 | 1889 | 1889 |
| Sergipe | Iota Scorpii | Scorpius, the Scorpion | 3 | 1889 | 1889 |
| Paraíba | Kappa Scorpii | Scorpius, y Scorpion | 3 | 1889 | 1889 |
| Rio Grande do Norte | Lambda Scorpii (Shaula) | Scorpius, y Scorpion | 2 | 1889 | 1889 |
| Pernambuco | Mu Scorpii (Xamidimura & Pipirima)[4] | Scorpius, y Scorpion | 3 | 1889 | 1889 |
| Mato Grosso do Sul | Alpha Hydrae (Alphard) | Hydra, y Sarff Dŵr | 2 | 1979[note] | 1960[note] |
| Acre | Gamma Hydrae | Hydra, y Sarff Dŵr | 3 | 1962 | 1968 |
| São Paulo (talaith) | Alpha Crucis | Crux, Croes y De | 1 | 1889 | 1889 |
| Rio de Janeiro (talaith) | Beta Crucis (Mimosa) | Crux, Croes y De | 2 | 1889 | 1889 |
| Bahia | Gamma Crucis (Gacrux) | Crux, Croes y De | 2 | 1889 | 1889 |
| Minas Gerais | Delta Crucis (Imai)[5] | Crux, Croes y De | 3 | 1889 | 1889 |
| Espírito Santo | Epsilon Crucis (Ginan[4]) | Crux, Croes y De | 4 | 1889 | 1889 |
| Rio Grande do Sul | Alpha Trianguli Australis (Atria) | Triangulum Australe, Triongl y De | 2 | 1889 | 1889 |
| Santa Catarina | Beta Trianguli Australis | Triangulum Australe, Triongl y De | 3 | 1889 | 1889 |
| Paraná (talaith) | Gamma Trianguli Australis | Triangulum Australe, Triongl y De | 3 | 1889 | 1889 |
| Goiás | Alpha Carinae (Canopus) | Carina, the Keel of Argo | 1 | 1889 | 1889 |
| Distrito Federal (Brasil) | Sigma Octantis (Polaris Australis) | Octans, the Octant | 5 | 1889[note] | 1889 |
Gweler hefyd golygu
Gweler hefyd Baner Cymuned Gwledydd yr Iaith Portiwgaleg y mae Brasil yn aelod ohoni.
Cyfeiriadau golygu
- ↑ The World Factbook: Brazil – Flag description Archifwyd 2015-12-22 yn y Peiriant Wayback. CIA. Cyrchwyd 8 Hydref 2010.
- ↑ "copi archif". Archifwyd o'r gwreiddiol ar 2019-05-03. Cyrchwyd 2019-01-25.
- ↑ Ni ddefnyddiwyd y faner yma erioed, amcanir y dyluniad gan faner Teyrnas Unedig Portiwgal, Brasil a'r Algarf.
- ↑ 4.0 4.1 4.2 "Naming Stars". IAU.org. Cyrchwyd 16 Rhagfyr 2017.
- ↑ "IAU Catalog of Star Names". International Astronomical Union. Cyrchwyd 17 Medi 2018.
Dolenni allanol golygu
- Brasil gan Flags of the World.
- Baner Brasil Archifwyd 2012-04-22 yn y Peiriant Wayback. (Portiwgaleg)
- Baner Brasil Archifwyd 2020-06-08 yn y Peiriant Wayback. (Portiwgaleg)
- Baneri hanesyddol Brasil Archifwyd 2020-06-06 yn y Peiriant Wayback. (Portiwgaleg)