Ymladdwyd Brwydr Philippi gerllaw dinas Philippi ym Macedonia yn 42 CC, rhwng dwy fyddin Rufeinig, un dan ddau o lofruddion Iŵl Cesar, Gaius Cassius Longinus a Marcus Junius Brutus, a'r llall dan Marcus Antonius a mab mabwysiedig Cesar, Gaius Octavianus (yn ddiweddarach yr ymerawdwr Augustus Cesar).

Brwydr Philippi
Delwedd:Phil3.png, Phil2.png, Philippi 1st battle map.jpg, Philippi 2nd battle map.jpg
Enghraifft o'r canlynolbrwydr Edit this on Wikidata
Rhan oLiberators' Civil War Edit this on Wikidata
Dechreuwyd3 Hydref 42 CC Edit this on Wikidata
Daeth i ben23 Hydref 42 CC Edit this on Wikidata
LleoliadPhilippi Edit this on Wikidata
Map
Tudalen Comin Ffeiliau perthnasol ar Gomin Wicimedia
Brwydr Gyntaf Philippi

Mewn gwirionedd roedd dwy frwydr, gyda thair wythnos rhyngddynt. Ym Mrwydr Gyntaf Philippi ar 3 Hydref, llwyddodd Brutus i orchfygu byddin Octavianus, ond gorchfygwyd byddin Cassius gan Marcus Antonius. Gan gredu fod Brutus hefyd wedi colli'r dydd, lladdodd Cassius ei hun. Ymladdwyd Ail Frwydr Philippi ar 23 Hydref, a gorchfygwyd Brutus gan Antonius ac Octavianus. Lladdodd Brutus ei hun, ac wedi clywed y newyddion, lladdodd ei wraig Porcia ei hun hefyd.